അവള്‍ ഒരു പൊട്ടിപ്പെണ്ണായിരുന്നു, മയൂരിയുടെ ആത്മഹത്യയെ കുറിച്ച് നടി സംഗീത

നടി മയൂരിയുടെ ആത്മഹത്യ തെന്നിന്ത്യൻ സിനിമാലോകത്തെ ആകെ ഞെട്ടിച്ചിരുന്നു. ആകാശഗംഗ, സമ്മര്‍ ഇന്‍ ബത്‌ലേഹേം, പ്രേം പൂജാരി, അരയന്നങ്ങളുടെ വീട്. ചന്ദമാമാ തുടങ്ങിയ സിനിമകളിലൂടെ മയൂരി മലയാള സിനിമയിലും തൻ്റെ വ്യക്തിമുദ്ര പതിപ്പിച്ചിരുന്നു. കൂടാതെ മന്മഥന്‍, കനാകണ്ടേന്‍, വിസില്‍, റെയിന്‍ബോ തുടങ്ങിയ തമിഴ് സിനിമകളിലും മയൂരി തകര്‍പ്പൻ പ്രകടനം കാഴ്ചവെച്ചു. തുടര്‍ന്ന് 2005ലായിരുന്നു മയൂരിയുടെ ആത്മഹത്യ. ചുരുക്കം ചില സിനിമകളിലൂടെ തന്നെ മയൂരി പ്രേക്ഷക ഹൃദയത്തില്‍ ഇടം നേടിയിരുന്നു.

Also Read: പൃഥ്വിരാജിൻ്റെ മരണമാസ് ഡയലോഗിൻ്റെ പേരിൽ സിനിമ ഒരുങ്ങുന്നു; 'കര്‍ണൻ നെപ്പോളിയൻ ഭഗത് സിങ്'

22ാമത്തെ വയസ്സിലാണ് നടി സ്വയം ജീവനൊടുക്കിയത്. നടിയുടെ ആത്മഹത്യയെക്കുറിച്ച് വെളിപ്പെടുത്തലുമായി രംഗത്തെത്തിയിരിക്കുകയാണ് നടി സംഗീതയിപ്പോൾ. വ്യക്തി ജീവിതവും സിനിമാജീവിതവും ഒരുമിച്ചു കൊണ്ടുപോവാന്‍ പ്രത്യേക വൈഭവം വേണം, ആ കഴിവ് മയൂരിക്ക് ഇല്ലായിരുന്നുവെന്ന് അടുത്ത സുഹൃത്തായ സംഗീത പറയുന്നു. അടുത്തിടെ ഒരു ചലച്ചിത്ര മാഗസിന് നല്‍കിയ അഭിമുഖത്തിനിടെയാണ് സംഗീത ഇക്കാര്യം വെളിപ്പെടുത്തിയത്.

Also Read: പെറ്റമ്മയ്‌ക്കെതിരെ ട്വിറ്ററിൽ തുറന്നെഴുതി നടി സംഗീത

മയൂരി എന്തിന് ആത്മഹത്യ ചെയ്തു എന്ന ചോദ്യത്തിനുള്ള ഉത്തരമായാണ് സിനിമാപ്രേമികൾ സംഗീതയുടെ വാക്കുകളെ വായിച്ചെടുക്കുന്നത്.

Also Read: പ്രളയത്തിൽ വീട് നഷ്ടപ്പെട്ട മുഹമ്മദിന് ഉണ്ണി മുകുന്ദൻ 5 ലക്ഷം രൂപ നൽകി

മയൂരിക്കൊപ്പം സമ്മര്‍ ഇന്‍ ബത്‌ലേഹേം എന്ന മലയാള ചിത്രത്തിൽ സംഗീത ഒരുമിച്ച്‌ അഭിനയിച്ചിരുന്നു. സെറ്റിൽ ഞങ്ങൾ രണ്ടുപേരും ഒരുമിച്ചായിരുന്നെന്ന് സംഗീത പറയുന്നു. മയൂരി ഒരു പൊട്ടിപ്പെണ്ണായിരുന്നു, അവൾ തന്നേക്കാള്‍ മൂന്ന് വയസ്സിന് ഇളയതായിരുന്നു. എങ്ങനെയാണ് മുടി കെട്ടേണ്ടത് എന്ന് പോലും അവൾക്ക് അറിയില്ലായിരുന്നു. അതിനൊക്കെ അവൾ തന്നോട് ചോദിക്കുമായിരുന്നു, അതിന് ശേഷമാണ് മുടി കെട്ടുക പോലും ചെയ്തിരുന്നത്. ഷൂട്ടിങ്ങിന് ശേഷം റൂമിലേക്ക് എത്തിയാല്‍ കളിപ്പാട്ടങ്ങള്‍ക്കൊപ്പമായിരിക്കുമെന്നും സംഗീത പറഞ്ഞു.

Also Read: 'ഇന്ന് ഞാൻ ജീവനോടെ ഇരിക്കുന്നുണ്ടെങ്കില്‍ അതിന് കാരണം ഈ സ്‌നേഹമാണ്'; മംമ്തയുടെ ഹൃദയസ്പര്‍ശിയായ കുറിപ്പ്