ആര്യയും സയേഷയും മാലിദ്വീപില്‍!പ്രിയതമന് പിറന്നാളാശംസ നേര്‍ന്ന് സയേഷ! പോസ്റ്റ് വൈറല്‍

തെന്നിന്ത്യന്‍ സിനിമാപ്രേക്ഷകരുടെ പ്രിയപ്പെട്ട താരജോഡികളാണ് ആര്യയും സയേഷയും. സ്‌ക്രീനിലെ മികച്ച കെമിസ്ട്രി ജീവിതത്തിലും ആവര്‍ത്തിച്ച് മുന്നേറുകയാണ് ഇരുവരും. കാപ്പാന്‍ ചിത്രീകരണത്തിനിടയില്‍ വെച്ചായിരുന്നു ഇരുവരും പ്രണയം പറഞ്ഞതും വീട്ടുകാരുമായി ആലോചിച്ച് വിവാഹം നടത്തിയത്. സോഷ്യല്‍ മീഡിയയില്‍ സജീവമായ ഇരുവരും പങ്കുവെക്കുന്ന പോസ്റ്റുകളെല്ലാം ക്ഷണനേരം കൊണ്ടാണ് ശ്രദ്ധേയമായി മാറുന്നത്. വിവാഹത്തിന് ശേഷം സയേഷ അഭിനയം നിര്‍ത്തുമോയെന്ന ആശങ്കയും ആരാധകര്‍ക്കുണ്ടായിരുന്നു. അത്തരത്തിലൊരു തീരുമാനവും തങ്ങള്‍ക്കില്ലെന്ന് വ്യക്തമാക്കി ഇരുവരും എത്തിയതോടെയാണ് ആശങ്ക മാറിയത്.

Also Read: വെള്ളിത്തിരയിലെ താരപ്പൊരുത്തം ജീവിതത്തിലേക്ക് പകര്‍ത്തിയ താരങ്ങൾ ഇവരാണ്!

പിറന്നാള്‍ ദിനത്തില്‍ പ്രിയപ്പെട്ടവന് സ്‌നേഹാശംസയുമായി എത്തിയിരിക്കുകയാണ് സയേഷ ഇപ്പോള്‍. ഇന്‍സ്റ്റഗ്രാമിലൂടെയായിരുന്നു താരം ആശംസ പങ്കുവെച്ചത്. ആര്യയ്‌ക്കൊപ്പമുള്ള മനോഹരമായ ചിത്രവും പോസ്റ്റ് ചെയ്തിട്ടുണ്ട്. മാലിദ്വീപില്‍ അവധിയാഘോഷത്തിലാണ് ഇരുവരും. അതിനിടയിലാണ് പിറന്നാള്‍ ദിനവും വന്നെത്തിയത്. സയേഷയെ ജീവിതസഖിയാക്കിയതിന് ശേഷമുള്ള ആദ്യത്തെ പിറന്നാള്‍ കൂടിയാണ് ഇത്. താന്‍ ഇതുവരെ കണ്ടതില്‍ വെച്ച് ഏറ്റവും മികച്ച പുരുഷനാണ് ആര്യയെന്ന് സയേഷ പറയുന്നു. നിനക്ക് ലഭിക്കുന്നതെല്ലാം നല്ലതാവട്ടെ, നിന്നെ ഒരുപാട് സ്‌നേഹിക്കുന്നുയെന്നും സയേഷ കുറിച്ചിട്ടുണ്ട്.

ഓണ്‍സ്‌ക്രീനിലെ മികച്ച കെമിസ്ട്രി ജീവിതത്തിലും ആവര്‍ത്തിച്ച് മുന്നേറുന്ന ഇരുവര്‍ക്കും ശക്തമായ പിന്തുണയാണ് ആരാധകര്‍ നല്‍കുന്നത്. വിവാഹത്തിന് ശേഷവും ഇരുവരും സിനിമയില്‍ സജീവമാണ്. ടെഡി എന്ന ചിത്രത്തില്‍ നായികനായകന്‍മാരായെത്തുന്നത് ആര്യയും സയേഷയുമാണ്. ഫിറ്റ്‌നസ് നിലനിര്‍ത്തുന്ന കാര്യത്തിന് പ്രത്യേക ശ്രദ്ധ നല്‍കുന്ന ആര്യ സ്‌പോര്‍ട്‌സ് സിനിമകളില്‍ അഭിനയിക്കാന്‍ താല്‍പര്യമുണ്ടെന്ന് വ്യക്തമാക്കിയിരുന്നു. ഗജനീകാന്ത് എന്ന ചിത്രത്തില്‍ അഭിനയിച്ച് വരുന്നതിനിടയിലായിരുന്നു ഇരുവരും പ്രണയത്തിലായത്. ആ ബന്ധം പിന്നീട് വിവാഹത്തിലേക്ക് എത്തുകയായിരുന്നു.

Also Read: പർ‍ദ്ദ സ്വാതന്ത്ര്യവും സുരക്ഷിതത്വവും; ഇസ്ലാം മതം സ്വീകരിച്ച നടി മിനു പറയുന്നു

ബോംബൈക്കാരിയാണെന്ന ഭാവമൊന്നുമില്ലാതെയാണ് സയേഷ പെരുമാറാറുള്ളത്. വളരെ ഡൗണ്‍ റ്റു എര്‍ത്താണ്. കാര്യങ്ങളെല്ലാം കൃത്യമായി മാനേജ് ചെയ്യാറുണ്ട്. ചെറിയ കാര്യങ്ങള്‍ പറയുമ്പോള്‍ പോലും അതീവ പ്രാധാന്യമാണ് നല്‍കുന്നത്. മറ്റൊരു കുടുംബവുമായി അഡ്ജസ്റ്റ് ചെയ്യുകയെന്നുള്ളത് ബുദ്ധിമുട്ടേറിയ കാര്യമാണ്, എന്നാല്‍ സയേഷ അത് മനോഹരമായി മാനേജ് ചെയ്തിരുന്നുവെന്നും മുന്‍പ് ആര്യ പറഞ്ഞിരുന്നു.

• Also Watch : മാമാങ്കം ഗംഭീരമെന്ന് ഫാൻസ് ഷോ റിപ്പോര്‍ട്ട്