പുണ്യമാസം ഉണ്ണി പിറന്ന സന്തോഷത്തിൽ ഷംനയും ഷാനുവും; ആശംസകളുമായി താരലോകം!

നടി ഷംന കാസിം അമ്മയായി. റിപ്പോർട്ടുകൾ പ്രകാരം, ദുബായിലെ ആശുപത്രിയിൽ രാവിലെ 9 മണിയോടെയാണ് ഷംന ആൺകുഞ്ഞിന് ജന്മം നൽകിയത്.

കഴിഞ്ഞ വർഷം ഡിസംബറിൽ ആണ് തന്റെ യൂട്യൂബ് ചാനലിലൂടെ താൻ ഗർഭിണിയാണെന്ന വിവരം താരം അറിയിച്ചത്.

2004ൽ ‘മഞ്ഞു പോലൊരു പെൺകുട്ടി’യിലൂടെയാണ് മോളിവുഡിൽ അരങ്ങേറ്റം കുറിച്ചത് . പിന്നീട് കോളേജ് കുമാരൻ ഉൾപ്പെടെ നിരവധി ഹിറ്റ് ചിത്രങ്ങളിൽ അഭിനയിച്ചു.




കഴിഞ്ഞ ഒക്ടോബറിലാണ് ഷംന കാസിമിന്റെ വിവാഹം കഴിഞ്ഞത്. ജെബിഎസ് ഗ്രൂപ്പ് കമ്പനി സ്ഥാപകനും സിഇഒയുമായ ഷാനിദ് ആസിഫ് അലിയാണ് ഷംനയുടെ ഭര്‍ത്താവ്.

ഞാൻ പ്രെഗ്നൻന്റ ആയപ്പോൾ സത്യം പറഞ്ഞാൽ എനിക്ക് ഏറ്റവും കൂടുതൽ സ്നേഹം കൂടിയത് മമ്മിയോടാണ്. സ്നേഹം ഉണ്ട് ഒരുപാട് പക്ഷെ ബഹുമാനം തോന്നി എന്റെ മമ്മിയോട്. ആദ്യത്തെ മൂന്നു മാസം കുറച്ചു ബുദ്ധിമുട്ടുകൾ നിറഞ്ഞതായിരുന്നു. അതുകഴിഞ്ഞു ഞാൻ ഒരുപാട് കാം ആയിരുന്നു. എന്റെ ദേഷ്യം ഒക്കെ കുറഞ്ഞു എന്ന് പറയണം. പെട്ടെന്ന് ദേഷ്യപെടുന്നത് ഒക്കെ ഇപ്പോൾ കുറവാണ്- എന്നാണ് ഗർഭകാല അനുഭവത്തെ കുറിച്ച് ഷംന പറഞ്ഞത്.