സംഭാവന കുറഞ്ഞു; താരങ്ങൾക്കെതിരെ തുറന്നടിച്ച് നടി ഷീല

പ്രളയക്കെടുതി അനുഭവിക്കുന്ന കേരള ജനതയ്ക്ക് മലയാള സിനിമാ താരങ്ങൾ നൽകിയ സംഭാവന തുക കുറഞ്ഞു പോയെന്ന പരാതിയുമായി മുതിര്‍ന്ന നടി ഷീല രംഗത്ത്. താരങ്ങൾ മുഖ്യമന്ത്രിയുടെ ദുരിതാശ്വാസ നിധിയിലേക്ക് തങ്ങളുടെ ഒരു സിനിമയുടെ മുഴുവൻ പ്രതിഫലമെങ്കിലും സംഭാവന ചെയ്യണമായിരുന്നുവെന്നും അവര്‍ ആവശ്യപ്പെട്ടു. മുഖ്യമന്ത്രിയുടെ ദുരിതാശ്വാസ നിധിയിലേക്ക് അഞ്ച് ലക്ഷം രൂപ നൽകിയ ശേഷം മാധ്യമങ്ങളോട് സംസാരിക്കുകയായിരുന്നു ഷീല.

നാല് കോടിയുടെ വാഹനങ്ങള്‍ ഉപയോഗിക്കുന്ന താരങ്ങള്‍ ദുരിതാശ്വാസ ഫണ്ടിലേക്ക് സംഭാവന ചെയ്ത തുക വളരെ കുറഞ്ഞു പോയി. ജനങ്ങള്‍ ടിക്കറ്റിനായി മുടക്കിയ പണം ഉപയോഗിച്ചാണ് ഞങ്ങള്‍ സിനിമാക്കാര്‍ വളര്‍ന്നതെന്നും ധസമാഹരണത്തിനായി താരനിശ നടത്തണമെന്നും ഷീല കൂട്ടിച്ചേര്‍ത്തു.