ഞങ്ങള്‍ ഇപ്പോള്‍ പിരിഞ്ഞ് താമസിക്കുകയാണ്! ദാമ്പത്യ ജീവിതത്തിലെ പൊരുത്തക്കേടുകളെക്കുറിച്ച് എങ്ങനെ പറയണമെന്നറിയില്ല! എന്റെ ഇപ്പോഴത്തെ ആശ്വാസം അവരാണ്! സംവിധായകനുമായുള്ള വിവാഹജീവിതത്തെക്കുറിച്ച് ഷെമി മാര്‍ട്ടിന്‍

എയര്‍ഹോസ്റ്റസായി ജോലി ചെയ്തുവരുന്നതിനിടയിലായിരുന്നു ഷെമി ടെലിവിഷനില്‍ പരീക്ഷണം കുറിച്ചത്. അവതാരകയായി തുടക്കം കുറിച്ച് അഭിനേത്രിയായി മാറുകയായിരുന്നു താരം. തികച്ചും അപ്രതീക്ഷിതമായിരുന്നു ആ തുടക്കം. അവതാരകയായി മുന്നേറുന്നതിനിടയിലായിരുന്നു അഭിനയിക്കാന്‍ അവസരം ലഭിച്ചതും. അഭിനേത്രിയായി മുന്നേറുന്നതിനിടയിലായിരുന്നു വിവാഹം.

വിവാഹജീവിതത്തില്‍ ചില പ്രശ്‌നങ്ങളൊക്കെയുണ്ടായിരുന്നു. ഭര്‍ത്താവുമായി പിരിഞ്ഞ് താമസിക്കുകയാണിപ്പോള്‍. അതേക്കുറിച്ച് എങ്ങനെയാണ് പറയേണ്ടതെന്നറിയില്ല, മറ്റുള്ളവരെ വേദനിപ്പിക്കാതെ അതേക്കുറിച്ച് പറയാനറിയില്ല. ഇപ്പോഴും അതേക്കുറിച്ചുള്ള വേദന എന്റെയുള്ളില്‍ നില്‍ക്കുന്നുണ്ട്. മക്കളാണ് ഇപ്പോള്‍ എന്റെ ലോകം. അവരുടെ സന്തോഷത്തിനാണ് പ്രാധാന്യം കൊടുക്കുന്നതെന്നും താരം പറയുന്നു.

സിനിമാമേഖലയുമായി ബന്ധപ്പെട്ട് പ്രവര്‍ത്തിക്കുന്നയാളുമായി പ്രണയത്തിലായിരുന്നു ഷെമി. 2013ലായിരുന്നു വിവാഹം. വിവാഹത്തോടെയായി അഭിനയത്തില്‍ നിന്നും അപ്രത്യക്ഷയാവുകയായിരുന്നു താരം.2 വര്‍ഷത്തിന് ശേഷമാണ് മകള്‍ ജനിച്ചത്. പിന്നാലെയായി മകനുമെത്തിയതോടെ കുടുംബിനിയായി ഒതുങ്ങുകയായിരുന്നു താരം.

വിവാഹ ജീവിതത്തില്‍ പ്രശ്‌നങ്ങളുണ്ടെങ്കിലും എന്നെ ജീവിക്കാന്‍ പ്രേരിപ്പിക്കുന്നത് മക്കളാണ്. അഭിനയത്തിലേക്ക് തിരിച്ച് വരാനായി തീരുമാനിച്ചത് അവരെ കരുതിയാണ്. അവരെ നന്നായി വളര്‍ത്തണമെങ്കില്‍ വരുമാനം വേണം, അതേപോലെ തന്നെ അഭിനയലോകത്തില്‍ നിന്നും മാറി നിന്ന സമയത്ത് വല്ലാത്തൊരു ഡിപ്രഷന്‍ അനുഭവിച്ചിരുന്നു. അതില്‍ നിന്നും മാറ്റം വേണമായിരുന്നുവെന്നും ഷെമി പറയുന്നു.