മമ്മൂട്ടിയെ കല്ലെറിഞ്ഞ ആ കുട്ടി! വിഷ്ണുവിനെയാണോ നീ കല്യാണം കഴിച്ചത്? ഭർത്താവിനെക്കുറിച്ച് അധികമാർക്കും അറിയാത്ത ആ രഹസ്യം പരസ്യമാക്കി ശിൽപ ബാലയുടെ മറുപടി!

സാര്‍ ആദ്യമായി ചെയ്ത സിനിമയിലെ ഒരു പുതുമുഖത്തിന്റെ ഭാര്യയാണ് ഈ നില്‍ക്കുന്നതെന്നായിരുന്നു അവതാരകന്‍ ശില്‍പയെക്കുറിച്ച് ലാല്‍ ജോസിനോട് പറഞ്ഞത്. ഇവിടെ പലര്‍ക്കുമറിയാത്ത കാര്യമാണ്. യെസ്, മറവത്തൂര്‍ കനവിലെ മോന്‍ എന്നായിരുന്നു ലാല്‍ ജോസ് വിഷ്ണുവിനെക്കുറിച്ച് പറഞ്ഞത്. സിനിമയുടെ തുടക്കത്തില്‍ ബിജു മേനോനെ കല്ലെറിയുന്ന എന്ന് അവതാരകൻ പറഞ്ഞപ്പോൾ അല്ല മമ്മൂട്ടിയെ എന്നായിരുന്നു സംവിധായകന്‍ പറഞ്ഞത്. അതെ, അതുതന്നെയാണ് ഉദ്ദേശിച്ചതെന്നായിരുന്നു അവതാരകന്റെ കമന്റ്.

വിഷ്ണുവിനെയാണോ നീ കല്യാണം കഴിച്ചതെന്നായിരുന്നു ലാല്‍ ജോസ് ശില്‍പയോട് ചോദിച്ചത്. അതെയെന്നായിരുന്നു ശില്‍പയുടെ മറുപടി. വിഷ്ണു മെഡിസിന് ചേര്‍ന്നു എന്ന് ഞാനറിഞ്ഞിരുന്നു. നന്നായി ഡാന്‍സ് ചെയ്യുമായിരുന്നു. ഇപ്പോഴുണ്ടോ ഡാന്‍സ് എന്ന് ലാല്‍ ജോസ് ചോദിച്ചപ്പോള്‍ ഉണ്ടെന്നായിരുന്നു ശില്‍പയുടെ മറുപടി.

ഡാന്‍സ് പഠിക്കാന്‍ പോയപ്പോഴായിരുന്നു ഇരുവരും കെട്ടിയതെന്ന് അവതാരകന്‍ പറഞ്ഞിരുന്നു. അങ്ങനെയല്ലെന്ന ക്യാപ്ഷനോടെയായാണ് ശില്‍പ വീഡിയോ പങ്കുവെച്ചത്. ഇത് അടിപൊളിയാണല്ലോയെന്നായിരുന്നു ഷഫ്‌നയുടെ കമന്റ്. അളിയനൊരു സംഭവമാണല്ലോ, അത് പൊളിച്ചു, ഇതൊരു പുതിയ അറിവാണല്ലോ തുടങ്ങി നിരവധി കമന്റുകളാണ് വീഡിയോയ്ക്ക് താഴെയുള്ളത്.

3 വര്‍ഷം തുടര്‍ച്ചയായി യൂണിവേഴ്‌സിറ്റി കലാപ്രതിഭയായിരുന്നു ഡോക്ടര്‍. അദ്ദേഹത്തിന്റെ കഴിവുകള്‍ പുറത്തേക്ക് കൊണ്ടുവരാനായി ശ്രമിക്കുന്നയാളാണ് താനെന്നും അങ്ങനെയാണ് അദ്ദേഹം ഡാന്‍സിലേക്ക് തിരികെ വന്നതെന്നും മുന്‍പ് ശില്‍പ പറഞ്ഞിരുന്നു. ഒന്നിച്ചുള്ള ഡാന്‍സ് വീഡിയോ ചെയ്തപ്പോള്‍ വിഷ്ണുവിന്റെ ഡാന്‍സിനെക്കുറിച്ച് നല്ല കമന്റുകളായിരുന്നു ലഭിച്ചത്. അങ്ങനെയാണ് അദ്ദേഹം വീണ്ടും ഡാന്‍സ് ചെയ്ത് തുടങ്ങിയത്. ഇവരുടെ മകളായ യാമികയും പ്രേക്ഷകര്‍ക്ക് പരിചിതയാണ്.