പൂജയ്ക്കിടെ ആർത്തവം
'എനിക്ക് അന്ന് 14 വയസായിരുന്നു. കുടുംബത്തില് നടന്നൊരു പൂജയ്ക്കിടെ എനിക്ക് ആര്ത്തവമുണ്ടായി. അമ്മയോടൊപ്പമല്ല ഞാന് പോയിരുന്നത്.' താരം പറയുന്നു. ഇന്സ്റ്റഗ്രാമില് പങ്കുവച്ച ചിത്രത്തോടൊപ്പമായിരുന്നു താരത്തിന്റെ തുറന്നു പറച്ചില്.
ആന്റിയോട് കാര്യം പറഞ്ഞു
ഉടനെ താന് അടുത്തിരുന്ന ആന്റിയോട് ആശങ്കയോടെ കാര്യം പറഞ്ഞു. സാനിറ്ററി പാഡ് കൊണ്ടുവന്നിരുന്നില്ല. എന്നാല് ഈ സമയം അടുത്തിരുന്ന മറ്റൊരു സ്ത്രീ വിഷമിച്ചിരിക്കുന്ന തന്നെ ശ്രദ്ധിക്കുകയും താന് പറയുന്നത് കേള്ക്കുകയും ചെയ്തതായി താരം പറയുന്നു. അവരുടെ പ്രതികരണവും ശ്രദ്ധ ഓര്ക്കുന്നു.
നിരീശ്വരവാദിയും ഫെമിനിസ്റ്റുമായി
ആശ്വസിപ്പിക്കുന്ന തരത്തില് ചിരിച്ചു കൊണ്ട് അവര് പറഞ്ഞു, സാരമില്ല കുഞ്ഞേ ദെെവം നിന്നോട് ക്ഷമിച്ചോളും എന്ന്. പൂജയ്ക്കിടെ ആര്ത്തവമുണ്ടായതിന് ദെെവം ക്ഷമിക്കുമെന്നായിരുന്നു അവര് അര്ത്ഥമാക്കിയതെന്ന് ശ്രദ്ധ പറയുന്നു. അന്ന് ആ ദിവസം താനൊരു നിരീശ്വരവാദിയും ഫെമിനിസ്റ്റുമായി മാറിയെന്നും ശ്രദ്ധ പറയുന്നു.
കോഹിനൂറിലൂടെ അരങ്ങേറിയ താരം
2015 ല് മലയാളം ചിത്രം കോഹിനൂറിലൂടെയായിരുന്നു ശ്രദ്ധ സിനിമയില് അരങ്ങേറുന്നത്. ആസിഫ് അലിയായിരുന്നു നായകന്. രണ്ടാമത്തെ ചിത്രം യൂ ടേണ് കന്നഡയില് താരത്തിന് കെെയ്യടി നേടിക്കൊടുത്തു. പിന്നീട് തമിഴിലും കന്നഡയിലും തെലുങ്കിലും സജീവമായി മാറുകയായിരുന്നു ശ്രദ്ധ.