ഒന്നാം വിവാഹ വാർഷികത്തിന് 3 ദിവസം കൂടി; വേര്‍പിരിയുന്നുവെന്ന് വെളിപ്പെടുത്തി നടി ശ്വേത ബസു

ഹിന്ദി, ബംഗ്ലാളി, തെലുങ്ക്, തമിഴ് ചിത്രങ്ങളിലൂടെ ശ്രദ്ധ നേടിയ നടി ശ്വേത ബസു വിവാഹമോചിതയാകുന്നു. ചലച്ചിത്ര പ്രവര്‍ത്തകനായ രോഹിത്ത് മിത്തലുമൊത്ത് 2018 ഡിസംബർ 13ന് ആയിരുന്നു താരം വിവാഹിതയായത്. വിവാഹ വാര്‍ഷികത്തന് മൂന്ന് ദിനം കൂടി അവസേഷിക്കെയാണ് വേര്‍പിരിയുന്നുവെന്ന് വെളിപ്പെടുത്തിക്കൊണ്ടുള്ള കുറിപ്പ് താരം ഇൻസ്റ്റയിൽ പങ്കുവെച്ചിരിക്കുന്നത്.

വേര്‍പിരിയുന്നതിനായി ഇരുവരും ഒരുമിച്ചെടുത്ത തീരുമാനമാണെന്നും താരം കുറിപ്പിൽ വ്യക്തമാക്കിയിട്ടുണ്ട്. കുറച്ച്‌ മാസങ്ങളായി തങ്ങള്‍ ഇതേ കുറിച്ചുള്ള ആലോചനകളിലായിരുന്നു. അങ്ങനെ ഞങ്ങള്‍ രണ്ട് പേരും വേറെ വെറെ ജീവിക്കുന്നതാണെന്ന് നല്ലതെന്ന നിഗമനത്തിലെത്തി. അതിന് ശേഷമാണ് ഇങ്ങനെ ഒരു തീരുമാനത്തിലെത്തിയത്.

Also Read: 'ഹാപ്പി ബര്‍ത്ത് ഡേ അപ്പാ..'; കുട്ടിക്കാല ചിത്രങ്ങള്‍ പങ്കുവച്ച് ജയറാമിന് മക്കളുടെ പിറന്നാളാശംസ

എല്ലാ പുസ്തകങ്ങളും മുഴുവനായി വായിക്കാനാവണമെന്നില്ല, അതിനു കാരണം ചിലപ്പോള്‍ പുസ്തകം മോശമായതുകൊണ്ടായിരിക്കില്ല, വായിച്ചവസാനിപ്പിക്കാൻ കഴിയാത്തതിനാലാകാം, ചിലതെല്ലാം പൂർത്തിയാക്കാതെ അവസാനിപ്പിക്കുന്നതാണ് നല്ലത് , പകരം വെക്കാനില്ലാത്ത ഓര്‍മകള്‍ തന്നതിനും എല്ലായിപ്പോഴും തനിക്ക് പ്രചോദനം നല്‍കിയതിനും രോഹിതിന് നന്ദി, തുടര്‍ന്നുള്ള ജീവിതത്തിന് എല്ലാവിധ ആശംസകളും, ശ്വേത ഇൻസ്റ്റയിൽ കുറിച്ചിരിക്കുന്നത് ഇങ്ങനെയാണ്. ശ്വേതയുടെ കുറിപ്പ് രോഹിത് ഫേസ്ബുക്ക് പേജിലൂടെ പങ്കുവെച്ചിട്ടുമുണ്ട്.

മക്ഡീ എന്ന ചിത്രത്തിലൂടെ മികച്ച ബാലതാരത്തിനുള്ള ദേശീയ പുരസ്‌കാരം ലഭിച്ചിട്ടുള്ള അഭിനേത്രി കൂടിയാണ് ശ്വേത. 'കൊത്ത ബംഗാരു ലോകം' എന്ന തെലുങ്ക് ചിത്രത്തിലൂടെ ശ്രദ്ധിക്കിപ്പെട്ടിരുന്നു ശ്വേത. ഇതേ ചിത്രം ഇത് ഞങ്ങളുടെ ലോകം എന്ന പേരില്‍ റീമേക്ക് ചെയ്ത് മലയാളത്തിൽ എത്തിയതോടെ മലയാളത്തിലും താരത്തിന് നിരവധി ആരാധകരുണ്ടായി.

Also Read: ആരും പറയാത്ത നടുക്കുന്ന കഥയുമായി അവൾ വരുന്നു!; 'ഛപാക്' കിടിലൻ ട്രെയിലർ ഇതാ!; ഏറ്റെടുത്ത് ആരാധകർ!


2 വര്‍ഷം മുമ്പ് പെൺവാണിഭ സംഘവുമായി ബന്ധപ്പെട്ട കേസില്‍ ശ്വേത അറസ്റ്റ് ചെയ്യപ്പെട്ടത് വലിയ വാര്‍ത്തയായിരുന്നു. കുടുംബം പുലര്‍ത്താനാണ് താന്‍ വേശ്യാവൃത്തി സ്വീകരിച്ചതെന്നായിരുന്നു അന്ന് ശ്വേത പറഞ്ഞിരുന്നത്. അറസ്റ്റിന് ശേഷം ഹൈദരാബാദിലെ പുനരധിവാസ കേന്ദ്രത്തില്‍ എത്തിച്ച ശ്വേതയെ കുറ്റവിമുക്തയാക്കിക്കൊണ്ട് പിന്നീട് വിധി വന്നിരുന്നു. നാല് വര്‍ഷത്തിലേറെ രോഹിതുമായി ലിവിങ് ടു ഗെദര്‍ ബന്ധത്തിലുമായിരുന്നു ശ്വേത. അതിനുശേഷമായിരുന്നു വിവാഹിതരായിരുന്നത്.

• Also Watch : മഞ്ജു വാര്യരും സണ്ണി വെയ്നും ആദ്യമായി ഒന്നിച്ച് അഭിനയിക്കുന്ന ചിത്രത്തിന്‍റെ പൂജ ചടങ്ങുകൾ