അനിയേട്ടനെ ഓർമ്മിക്കുമ്പോൾ
അനിയേട്ടനെ ഓർക്കുകയാണ്, മറ്റൊരു അമ്മയിൽ നിന്നുള്ള സഹോദരൻ, പെട്ടെന്ന് അദ്ദേഹം പോയി, എന്ന് കുറിച്ചുകൊണ്ട് അനിലേട്ടനെ കുറിച്ചുള്ള ഓർമ്മകൾ ഓഡിയോ രൂപത്തിൽ ഫേസ്ബുക്കിൽ പങ്കുവെച്ചിരിക്കുകയാണ് ശ്വേത.
ഞങ്ങൾ തമ്മിൽ മിണ്ടാത്ത ഒരു ദിവസം പോലുമുണ്ടായിരുന്നില്ല
അനിയേട്ടൻ പോയിട്ട് ഒരു വർഷമാകുന്നു. അദ്ദേഹത്തെ ഒരുപാട് മിസ് ചെയ്യുന്നു. ഞങ്ങൾ തമ്മിൽ സംസാരിക്കാത്ത ഒരു ദിവസം പോലും ഉണ്ടാകാതിരുന്നിട്ടില്ല. അദ്ദേഹത്തോടൊപ്പം അധികം സിനിമകളിൽ ഒരുമിച്ച് അഭിനയിച്ചിട്ടില്ലെങ്കിലും ഞങ്ങൾ തമ്മിൽ വലിയ ബന്ധമായിരുന്നു, ശ്വേത ഓഡിയോ പോസ്റ്റിൽ പറഞ്ഞിരിക്കുകയാണ്.
ഒട്ടും സങ്കീർണ്ണതകളില്ലാത്ത മനുഷ്യൻ
പലർക്കും ചിലപ്പോൾ പരസ്പരം മനസ്സിലാക്കാനാകില്ല. ഒട്ടും സങ്കീർണ്ണതകളില്ലാത്ത മനുഷ്യനായിരുന്നു അദ്ദേഹം. അദ്ദേഹം പെട്ടെന്നാണ് പോയത്, എവിടെയായാലും അദ്ദേഹം സന്തോഷത്തിലായിരിക്കും. മിസ് യൂ അനിയേട്ടാ, ശ്വേത പറഞ്ഞിരിക്കുകയാണ്.
Also Read: 'അറിയാത്ത പിള്ളക്ക് ചൊറിയുമ്പോൾ അറിയും'! ലോക്ക്ഡൗൺ കാലത്തെ രസങ്ങളുമായി 'മോണിക്ക'
സിനിമാലോകത്തെ ഞെട്ടിച്ച വിയോഗം
'കന്യാകുമാരിയില്‍ ഒരു കവിത' എന്ന സിനിമയിലൂടെ 1993ലാണ് അനില്‍ മുരളി സിനിമാലോകത്തെത്തിയ അദ്ദേഹം വില്ലൻ വേഷങ്ങളിലൂടേയും ക്യാരക്ടര്‍ വേഷങ്ങളിലൂടേയമാണ് ഏറെ ശ്രദ്ധേയനായത്. 'ദൈവത്തിന്‍റെ വികൃതികള്‍' എന്ന സിനിമയിലെ അദ്ദേഹത്തിന്‍റെ വില്ലന്‍ വേഷം ഏറെ ച‍ർച്ചയായിരുന്നു. ബാബ കല്യാണി, നസ്രാണി, പുതിയ മുഖം, സിറ്റി ഓഫ് ഗോഡ്, മാണിക്യക്കല്ല്, വെള്ളരിപ്രാവിന്‍റെ ചങ്ങാതി, കളക്ടര്‍, വാൽക്കണ്ണാടി, ലയൺ, പുത്തൻ പണം, ഡബിൾ ബാരൽ, പോക്കിരി രാജ, റൺ ബേബി റൺ, അയാളും ഞാനും തമ്മിൽ, കെഎൽ 10 പത്ത്, ഇയ്യോബിന്റെ പുസ്തകം, അസുരവിത്ത്, കര്‍മ്മയോദ്ധാ, ആമേന്‍ തുടങ്ങിയവയാണ് അഭിനയിച്ച പ്രധാന സിനിമകള്‍. ജോസഫ്, ഉയരെ, ഫോറൻസിക് തുടങ്ങിയവയാണ് അദ്ദേഹം ഏറ്റവും ഒടുവിലായി അഭിനയിച്ച് പുറത്തിറങ്ങിയ സിനിമകള്‍.