അവസാന നിമിഷങ്ങളിലും രാജകീയ പ്രൗഡിയിൽ; ചിത്രങ്ങളും വീഡിയോയും

ഇന്ത്യന്‍ സിനിമാ ലോകത്തെ ഒന്നടങ്കം ഞെട്ടിച്ച ശ്രീദേവിയുടെ മരണത്തെ സംബന്ധിച്ച പുത്തൻ വിവരങ്ങൾ പുറത്തു വന്നു കൊണ്ടിരിക്കുകയാണ്. ആദ്യം ഹൃദയാഘാതമായിരുന്നു മരണ കാരണമെന്ന് പറഞ്ഞിരുന്നെങ്കിലും ദുബായ്‍‍യിലെ ഹോട്ടലിൽ ബാത്ത്റൂമിൽ കുഴഞ്ഞുവീണാണ് മരിച്ചതെന്നാണ് പിന്നീട് വന്ന റിപ്പോര്‍ട്ട്. ലേഡി സൂപ്പര്‍ സ്റ്റാറിന്‍റെ വിയോഗത്തില്‍ ചലച്ചിത്ര ലോകം ഒന്നടങ്കം ഞെട്ടിയിരിക്കുകയാണ്.




മരണസമയത്ത് ഭര്‍ത്താവ് ബോണി കപൂറും മകള്‍ ഖുഷിയും അടുത്തുണ്ടായിരുന്നു. ആദ്യ ചിത്രത്തിന്‍റെ ചിത്രീകരണത്തിരക്കിലായതിനാല്‍ മൂത്തമകള്‍ ജാഹ്നി കപൂര്‍ വിവാചടങ്ങുകള്‍ക്ക് എത്തിയിരുന്നില്ല. മരിക്കുന്നതിന് തൊട്ടുമുന്‍പ് ആരോഗ്യവതിയും ഊര്‍ജസ്വലയുമായാണ് ശ്രീദേവിയെ കാണപ്പെട്ടത്. ഇത് വ്യക്തമാക്കുന്ന വീഡിയോയും പുറത്തെത്തിയതോടെ ഞൊടിയിടയിൽ വൈറലാകുകയാണ്. ബോളിവുഡ് നടന്‍ മോഹിത മര്‍വയുടെ വിവാഹചടങ്ങുകളില്‍ പങ്കെടുക്കാനാണ് ശ്രീദേവിയും കുടുംബവും ദുബായിലെത്തിയത്. കഴിഞ്ഞ നാല് ദിവസങ്ങളായി ഇവര്‍ ദുബായ്‍‍യിലുണ്ട്. ഈ വിവാഹ ചടങ്ങുകളുടെ ചിത്രങ്ങളാണ് ഇപ്പോള്‍ പ്രചരിക്കുന്നത്.