വിവാഹത്തെക്കുറിച്ച്
വിവാഹത്തെക്കുറിച്ച് ചോദിക്കുന്നവര്‍ക്ക് നിരവധി തവണ മറുപടി കൊടുത്തിട്ടുണ്ട്. നേരത്തെ പറഞ്ഞത് തന്നെയാണ് ഇപ്പോഴും പറയാനുള്ളത്. വിവാഹം എപ്പോള്‍ നടക്കുമെന്നറിയില്ല. അതിനൊരു മൂഡ് വന്നിട്ടില്ലെന്നുള്ളതാണ് കാരണം. നേരത്തെ പ്രണയമൊക്കെ ഉണ്ടായിട്ടുണ്ട്. മുന്നോട്ട് പോവാനാവില്ലെന്ന് തുടങ്ങിയ സമയത്താണ് അത് വേണ്ടെന്ന് വെച്ചത്. അദ്ദേഹം വിവാഹമൊക്കെ കഴിഞ്ഞ് സുഖമായി ജീവിക്കുന്നുണ്ടെന്നും മുന്‍പൊരു അഭിമുഖത്തില്‍ സുബി വ്യക്തമാക്കിയിരുന്നു.
കുടുംബത്തിന്
കുടുംബത്തിന് ഏറെ പ്രാധാന്യം കൊടുക്കുന്നയാളാണ് ഞാന്‍. എന്നേക്കാള്‍ കൂടുതല്‍ എന്റെ കുടുംബത്തെ സ്‌നേഹിക്കുന്നയാളായിരിക്കണം ജീവിതത്തിലേക്ക് വരേണ്ടത്. എന്റെ ആഗ്രഹം അതാണ്. അമ്മയ്ക്കും ഇതൊക്കെ അറിയാം. എന്നെ നന്നായി അറിയാവുന്നതിനാല്‍ നിര്‍ബന്ധിച്ച് കെട്ടിക്കുകയൊന്നുമില്ല. അടുത്തിടെ യുഎസില്‍ നിന്നൊരു ആലോചന വന്നിരുന്നു. അതൊന്നും നടത്താന്‍ തോന്നിയില്ല.
സ്കൂളിലെ സംഭവം
ഷൂട്ടും പരിപാടികളുമൊക്കെയായി ഇങ്ങനെ നടക്കുകയാണ് ഞാന്‍. ഇതേ പോലെയുള്ള സ്വാതന്ത്ര്യം തരുന്നൊരാളെ ഇതുവരെ കണ്ടെത്താനായിട്ടില്ല. അതോര്‍ത്താണോ എന്നറിയില്ല. കല്യാണം കഴിക്കാനുള്ള മൂഡ് ഇതുവരേയും വന്നിട്ടില്ലെന്നുമായിരുന്നു സുബി പറഞ്ഞത്. സ്‌കൂളില്‍ പഠിച്ചിരുന്ന സമയത്ത് രണ്ട് പെണ്‍കുട്ടികള്‍ പിന്നാലെ നടന്നതും ഫോട്ടോ ചോദിച്ചതുമായ സംഭവത്തെക്കുറിച്ചും സുബി പറഞ്ഞിരുന്നു. എപ്പോഴും അവര്‍ നോക്കിനില്‍ക്കുമായിരുന്നു. കുറച്ച് ദിവസം സ്‌കൂളില്‍ പോവാതിരുന്ന് പിന്നെ ചെന്നപ്പോള്‍ അവര്‍ വന്ന് എന്ത് പറ്റിയെന്ന് ചോദിച്ചിരുന്നു. ഫോട്ടോ തരുമോയെന്ന് ചോദിച്ചപ്പോള്‍ ആറ് മാസമുണ്ടായിരുന്നപ്പോഴുള്ള ഫോട്ടോയുണ്ട് അതുമതിയോ എന്ന് ചോദിച്ചതോടെ അവരോടുകയായിരുന്നു.
എയറിലാവാറുണ്ട്
ഇടയ്ക്കിടയ്ക്ക് എയറിലാവാറുണ്ട്. ചില ദിവസങ്ങളില്‍ കൂട്ടുകാരോ അനിയനോ ഒക്കെയായിരിക്കും ഇതേക്കുറിച്ച് വിളിച്ച് പറയുന്നത്. ഇങ്ങനൊരു കമന്റ് വന്നിട്ടുണ്ടെന്നൊക്കെ പറയുമ്പോള്‍ അവരാണ് മറുപടി കൊടുക്കാറുള്ളത്്. അതേപോലെ ഞാനും കൃത്യമായ മറുപടി കൊടുക്കാറുണ്ട്. ഇപ്പോള്‍ കമന്റുകളൊക്കെ കുറവാണ്. പെട്ടെന്നൊരു സുപ്രഭാതത്തിലാണ് യൂട്യൂബ് ചാനല്‍ തുടങ്ങിയത്. അമ്മയായിരുന്നു അതിന് പ്രേരിപ്പിച്ചതെന്നും സുബി പറഞ്ഞിരുന്നു.