ദേഹത്ത് പാമ്പിനെയിട്ട് പേടിപ്പിച്ചവനോട് സണ്ണിയുടെ മധുരപ്രതികാരം

ഷൂട്ടിങ്ങ് സെറ്റിൽ വെച്ച് സണ്ണി ലിയോണിന്‍റെ ദേഹത്ത് പാമ്പിനെയിട്ട് പണി കൊടുത്ത സഹപ്രവര്‍ത്തകന്‍റ തമാശയ്ക്ക് മധുരപ്രതികാരം വീട്ടി താരം. ഷൂട്ടിംഗ് സെറ്റില്‍ വെറുതെയുരുന്ന സണ്ണി ലിയോണിന്‍റെ ദേഹത്ത് സഹപ്രവര്‍ത്തകൻ തമാശരൂപേണ പ്ലാസ്റ്റിക്ക് കളിപ്പാമ്പിനെ ഇട്ടു പേടിപ്പിക്കുന്നതിന്‍റെ വീഡിയോ കഴിഞ്ഞ ദിവസം സോഷ്യല്‍ മീഡിയയില്‍ വൈറലായിരുന്നു. കൊച്ചുകുസൃതിയൊപ്പിച്ച ആ സഹപ്രവര്‍ത്തകന് സ്നേഹത്തിൽ പൊതിഞ്ഞ മധുരപ്രതികാരം വീട്ടിയിരിക്കുകയാണ് സണ്ണിയിപ്പോൾ. അതിന്‍റെ വീഡിയോയും ഇപ്പോൾ വൈറലാകുകയാണ്.




സണ്ണി രജനിയെന്ന സഹപ്രവര്‍ത്തകനാണ് താരത്തെ കഴിഞ്ഞ ദിവസം ദേഹത്ത് പ്ലാസ്റ്റിക്ക് പാമ്പിനെ ഇട്ടു പേടിപ്പിച്ചത്. തിരക്കഥ വായിച്ചു കൊണ്ടിരുന്ന സണ്ണിയുടെ ദേഹത്തേക്ക് പ്ലാസ്റ്റിക്ക് പാമ്പിനെ ഇട്ടപ്പോള്‍ ഞെട്ടിത്തരിച്ച താരം അലറി നിലവിളിച്ചുകൊണ്ട് സണ്ണി രജനിയെ ഓടിച്ചിട്ട് തല്ലി. എന്നിട്ടും പ്രതികാരദാഹമടങ്ങാതെയാണ് സണ്ണി ഇതിന് മധുര പ്രതികാരം വീട്ടിയത്. സുഹൃത്തുക്കളുമായി ച‍ര്‍ച്ചയിലേര്‍പ്പെട്ടിരുന്ന സണ്ണി രജനിയെ കെയ്യിൽ കരുതിയ രണ്ട് കേക്കുകൾ കൊണ്ട് തലയ്ക്ക് ഇരുവശവുമായ ഒരേസമയത്ത് പൊത്തി അടിക്കുകയായിരുന്നു. ഇതാണ് തന്‍റെ പ്രതികാരമെന്നും തന്നോട് കളിക്കാന്‍ വന്നാല്‍ ഇതായിരിക്കും അവസ്ഥ എന്നുമാണ് കേക്ക് മുഖത്തടിക്കുന്നതിന് മുന്‍പ് സണ്ണി വീഡിയോയിൽ പറയുന്നത്.