വൃത്തികേടിൽ മാത്രം ഞുളയ്ക്കുന്ന കൃമികൾ, ഈ കോവിഡ് കാലത്തെങ്കിലും കൂറയാകാതിരിക്കൂ; അശ്ലീല കമന്റിട്ടയാള്‍ക്ക് സുരഭിയുടെ മറുപടി

സോഷ്യല്‍ മീഡിയയിലൂടെ അധിക്ഷേപിക്കാന്‍ ശ്രമിച്ച യുവാവിന് മറുപടിയുമായി സുരഭി ലക്ഷ്മി. തന്റെ വീഡിയോയ്ക്ക് അശ്ലീല കമന്റുമായെത്തിയ യുവാവിന്റെ ചിത്രവും കമന്റുകളും പുറത്തുവിട്ടു കൊണ്ടായിരുന്നു സുരഭിയുടെ പ്രതികരണം. തെറിയുടെ ഭാഷ വഴങ്ങാത്തത് കൊണ്ട് തിരിച്ച് ഇതേ രീതിയിൽ മറുപടി പറയുന്നില്ലെന്ന് സുരഭി പറയുന്നു.. എന്നാലും ഒരുത്തന്റെ പോസ്റ്റ് ഇവിടെ ഇടുന്നു. ഇവന്റെ ഒപ്പമുള്ളവര്‍ ഇവനെ തിരുത്തുക .ഈ കോവിഡ് കാലത്തെങ്കിലും കൂറയാകാതിരിക്കൂവെന്നും സുരഭി പറയുന്നു.

Also Read: ഫോട്ടോഷൂട്ടിനിടെ ലൈറ്റിങ് സെറ്റായില്ലെങ്കിൽ താൻ ചെയ്യുന്നത് ഇതാണ്; ചിത്രവുമായി നവ്യ!

തന്റെ സുഹൃത്ത് നിര്‍മ്മിച്ച ത്രിഡി മാസ്ക് പരിചയപ്പെടുത്തുന്ന സുരഭിയുടെ വീഡിയോയിലാണ് ഇയാല്‍ അശ്ലീല കമന്റുകള്‍ നടത്തിയത്. അറപ്പുണ്ടാക്കുന്ന വൃത്തികേടിൽ മാത്രം ഞുളയ്ക്കുന്ന ചില കൃമികൾ . ഈ കണ്ണീർ ക്കാലത്തിലും തെറി ഛർദ്ദിക്കുന്ന ഇത്തരക്കാർക്ക് കുറവൊന്നുമില്ലെന്നും സുരഭി പറയുന്നു.

''ഇരുണ്ട കോവിഡ് കാലമാണിത്. ഓരോ നാണയത്തുട്ടുകൾ പോലും കൂട്ടി വച്ച് എല്ലാവരും അതിജീവനത്തിനായുള്ള പോരാട്ടത്തിലാണ്. ഒറ്റയ്ക്കൊരു ചെറിയ ബിസിനസ് പടുത്തുയർത്തി വെള്ളപാച്ചിലിലെ കച്ചിത്തുരുമ്പ് പോലെ അതിൽ പിടിച്ച് കയറാനും ഒപ്പമുള്ളവരെ പിടിച്ച് കയറ്റാനും ചോര നീരാക്കി പണിയെടുക്കുന്ന എൻ്റെ ഒരു സുഹൃത്താണ് രേഷ്മാ ലക്ഷ്മി, 3DRRAYMASK എന്ന പേരിൽ അവൾ തുടങ്ങിയ സംരംഭത്തിന് ഒപ്പം നിൽക്കാൻ ഞാനിട്ട പോസ്റ്റിന് താഴെ വന്ന് വെറുതെ തെറി പറഞ്ഞ് പോകുന്നു ചിലർ'' സുരഭി പറയുന്നു.

Also Read: തിരിച്ചടികളില്‍ തോറ്റുകൊടുക്കരുത്; 'ബിനോദ്' എടുത്ത ചിത്രങ്ങളുമായി അമേയ!

''അറപ്പുണ്ടാക്കുന്ന വൃത്തികേടിൽ മാത്രം ഞുളയ്ക്കുന്ന ചില കൃമികൾ. ഈ കണ്ണീർക്കാലത്തിലും തെറി ഛർദ്ദിക്കുന്ന ഇത്തരക്കാർക്ക് കുറവൊന്നുമില്ല. തെറിയുടെ ഭാഷ വഴങ്ങാത്തത് കൊണ്ട് തിരിച്ച് ഇതേ രീതിയിൽ മറുപടി പറയുന്നില്ല. എന്നാലും ഒരുത്തന്റെ പോസ്റ്റ് ഇവിടെ ഇടുന്നു. ഇവന്റെ ഒപ്പമുള്ളവ‍ര്‍ ഇവനെ തിരുത്തുക. ഈ കോവിഡ് കാലത്തെങ്കിലും കൂറയാകാതിരിക്കാൻ'' സുരഭി കൂട്ടിച്ചേര്‍ക്കുന്നു.