ചിരി കാരണം ആ സിനിമയിൽ നിന്ന് ഒഴിവാക്കി!! അനുഭവങ്ങൾ പങ്കുവച്ച് തൻവി റാം

ബംഗളൂരുവിൽ ബാങ്കിലായിരുന്നു ജോലി. പക്ഷേ ചെറുപ്പം മുതൽ സിനിമയിൽ അഭിനയിക്കണം എന്ന മോഹമുണ്ടായിരുന്നു. ജോലി ചെയ്യുന്ന സമയത്തും സിനിമയിലേക്ക് ശ്രമിച്ചു കൊണ്ടിരുന്നു. അങ്ങനെയൊരു സിനിമയിൽ അവസരം ലഭിച്ചു. സിനിമയുടെ പൂജയൊക്കെ കഴിഞ്ഞെങ്കിലും പിന്നെ വിളിവന്നില്ല...

അമ്പിളി സിനിമയിൽ ചിരിയോടെ നിൽക്കുന്ന എന്നെ കാണുമ്പോൾ ഓർത്തത് ചിരി കാരണം സിനിമയിൽ നിന്ന് ഒഴിവാക്കിയ സംഭവമാണ്. എൻ്റെ മുഖത്ത് ഭയങ്കര ചിരിയാണ്. എന്നും ചിരിയോടെ ഉളള മുഖമാണെന്ന് പറഞ്ഞ് ആ സിനിമയിൽ നിന്ന് എന്നെ ഒഴിവാക്കി.

യഥാർത്ഥ പേര് ശ്രുതി എന്നാണ്. വീട് ഒരു സംഗീത പ്രേമികളുടെ കുടുംബമാണ് അതുകൊണ്ടാണ് ശ്രുതിയെന്ന് പേരിട്ടത്. പക്ഷേ സിനിമയിൽ അത് ഒരു കോമൺ പേരാണെന്ന് തോന്നി. ഒന്ന് പേര് മാറ്റി പിടിക്കാം എന്ന് തീരുമാനിച്ചു. അമ്പിളി സിനിമയുടെ പോസ്റ്റർ അടിച്ചു കൊണ്ടിരിക്കുമ്പോൾ അവർ പെട്ടന്ന് പേര് കൊടുക്കണം എന്ന് പറഞ്ഞപ്പോൾ പെട്ടന്ന് ഇട്ട പേരാണ് തൻവി..

അമ്പിളി സിനിമയിലെ നായിക എന്ന് തന്നെയാണ് ഇപ്പോഴും ആളുകൾ പറയാറുളളൂ. അമ്പിളി ശ്രദ്ധിക്കപ്പെട്ടതു കൊണ്ട് തന്നെ പിന്നീട് നല്ല സിനിമകളുടെ മാത്രം ഭാഗമാകാണം എന്നുണ്ടായിരുന്നു. ഞാൻ ലീഡ് റോളിലെത്തുന്ന ഒരുപാട് സ്ക്രിപ്പ്റ്റുകൾ വന്നു. പക്ഷേ നല്ല സിനിമകൾ ചെയ്യാതെ വെറുതെ അഭിനയിച്ചിട്ടു പോകുന്നതിൽ കാര്യമില്ലെന്ന് തോന്നി. നല്ല സിനിമകളിൽ നായിക വേഷമല്ല ക്യാരക്ടർ റോൾ ആണെങ്കിലും തിരഞ്ഞെടുക്കാൻ കാരണം അതാണ്. ക്യാരക്ടർ റോളുകൾ ചെയ്താലും വീണ്ടും നായികയായി മടങ്ങിപോവാൻ കഴിയും എന്ന കോൺഫിഡൻസ് ഉണ്ട്.

വിനീത്‌ ശ്രീനിവാസൻ നായകനായി എത്തുന്ന മുകുന്ദൻ ഉണ്ണി അസോസിയേറ്റസ് ആണ് പുതിയ ചിത്രം. വക്കീൽ വേഷത്തിലാണ് ചിത്രത്തിൽ എത്തുന്നത്. സെറ്റിൽ ഷൂട്ടിങ് സമയത്ത് വിനീത് ഏട്ടൻ ഓരോ കഥകൾ പറയും കേട്ടിരിക്കാൻ നല്ല രസമാണ്. ധ്യാനിനും വിനീതേട്ടനും ഇത്രയും കഥകൾ ഇത് എവിടുന്ന് കിട്ടുന്നു എന്ന് ചിന്തിച്ചിട്ടുണ്ടെന്നും തൻവി പറയുന്നു.

Read Latest Malayalam Movie News And Malayalam News