Also Read: അര്‍ഹിക്കുന്ന വില കിട്ടുന്നില്ല; മലയാളത്തില്‍ പാടുന്നത് നിര്‍ത്തിയെന്ന് വിജയ് യേശുദാസ്
കേരളക്കരയുടെ മാലാഖ
കെട്ട്യോളാണ് എന്റെ മാലാഖ എന്ന ചിത്രത്തിലൂടെ പ്രേക്ഷകരുടെ മനസ് കവര്‍ന്ന നടിയാണ് വീണ നന്ദകുമാര്‍. ചിത്രവും വീണയുടെ കഥാപാത്രവും ഹിറ്റായതോടെ സോഷ്യല്‍ മീഡിയയിലും വീണ താരമായി മാറി. വീണയാണ് തന്റെ കുട്ടിക്കാല ചിത്രം പങ്കുവച്ചിരിക്കുന്നത്.
എവിടെയും മാജിക് കണ്ടെത്താം
‘നിഷ്കളങ്കതയുടെ കണ്ണിലൂടെ നോക്കുമ്പോൾ നിങ്ങൾക്ക് എവിടെയും മാജിക് കണ്ടെത്താം,’ എന്നാണ് ചിത്രത്തിന് വീണ നൽകുന്ന അടിക്കുറിപ്പ്. ചിത്രത്തിന് കമന്റുമായി നിരവധി പേരാണ് എത്തിയിരിക്കുന്നത്. ചിത്രം വെെറലായി മാറിയിരിക്കുകയാണ്.
അരങ്ങേറ്റം
‘കടംകഥ’ (2017) എന്ന ചിത്രത്തിലൂടെയായിരുന്നു വീണയുടെ അരങ്ങേറ്റം. എന്നാൽ 2019ൽ പുറത്തിറങ്ങിയ ‘കെട്ട്യോളാണ് എന്റെ മാലാഖ’ എന്ന ചിത്രമാണ് വീണയെ ശ്രദ്ധേയയാക്കിയത്. ‘കോഴിപ്പോര്’ എന്ന ചിത്രത്തിലാണ് അവസാനമെത്തിയത്.
ഒറ്റപ്പാലംകാരിയായ മുംബെെ സ്വദേശി
ഖാലിദ് റഹ്മാന്‍ ചിത്രം ലവ്വിലും വീണ വേഷമിട്ടിരുന്നു. കൊവിഡും ലോക്ക്ഡൗണും കാരണം ചിത്രം കേരളത്തില്‍ റിലീസ് ചെയ്തിട്ടില്ല. മുംബെെയിലാണ് വീണ ജനിച്ചതും വളര്‍ന്നതുമെല്ലാം. കേരളത്തില്‍ ഒറ്റപ്പാലത്താണ് വീണയുടെ വേരുകള്‍.