കര്‍ണനായി ഷാഹിദ് കപൂര്‍; അണിയറില്‍ ബിഗ് ബജറ്റ് ചിത്രം ഒരുങ്ങുന്നു

ഷാഹിദ് കപൂര്‍ നായകനായ ജഴ്സിയുടെ ചിത്രീകരണം ഈയ്യടുത്താണ് പൂര്‍ത്തിയായത്. പിന്നാലെ രാജ്-ഡികെ കൂട്ടുകെട്ട് ഒരുക്കുന്ന വെബ്ബ് സീരീസിലായിരിക്കും ഷാഹിദ് അഭിനയിക്കുക. പുറത്തു വരുന്ന പുതിയ റിപ്പോര്‍ട്ടുകള്‍ പ്രകാരം ഷാഹിദിന്റെ അടുത്ത സിനിമ സംവിധായകന്‍ രാകേഷ് ഓംപ്രകാശ് മെഹ്റയായിരിക്കും. ചിത്രത്തില്‍ കര്‍ണനായിട്ടായിരിക്കും ഷാഹിദ് എത്തുക എന്നാണ് റിപ്പോര്‍ട്ടുകള്‍ പറയുന്നത്.

Also Read: വടിവാള്‍ ഉപയോഗിച്ച് കേക്ക് മുറിച്ചു; മാപ്പ് ചോദിച്ച് വിജയ് സേതുപതി

മഹാഭാരതയുടെ അവതരണമായിരിക്കുമോ അതോ മഹാഭാരതത്തിന്റെ അഡാപ്റ്റേഷനായിരിക്കുമോ ചിത്രം എന്ന കാര്യത്തില്‍ വ്യക്തമായിട്ടില്ല. ചിത്രത്തില്‍ ഷാഹിദ് കര്‍ണനായിട്ടായിരിക്കും എത്തുമെന്നാണ് അറിയുന്നത്. കര്‍ണന്റെ കഥ പറയണമെന്നത് തന്റെ സ്വപ്നമാണെന്ന് മെഹ്റ നേരത്തേയും പറഞ്ഞിരുന്നു.

Also Read: മക്കള്‍ സെല്‍വന് പുറന്തനാള്‍; കണ്ടിരിക്കേണ്ട വിജയ് സേതുപതി ചിത്രങ്ങള്‍

ഇപ്പോള്‍ കര്‍ണ എന്നു പേരിട്ടിരിക്കുന്ന ചിത്രം നിര്‍മ്മിക്കുന്നത് റോണി സ്ക്രൂവാലയാണ്. അതേസമയം തെലുങ്ക് ചിത്രമായ ജഴ്സിയുടെ ഹിന്ദി റീമേക്ക് റിലീസിന് തയ്യാറെടുക്കുകയാണ്. ചിത്രത്തിനായി ഷാഹിദ് നടത്തിയ കഠിനമായ ക്രിക്കറ്റ് പരിശീലനം വാര്‍ത്തകളില്‍ നിറ‍ഞ്ഞിരുന്നു.