ഇന്ദ്രജിത്തും കുടുംബവും
ഇന്ദ്രജിത്തിന്‍റേയും പൂര്‍ണിമയുടേയും മക്കളായ പ്രാർത്ഥനയ്ക്കും നക്ഷത്രയ്ക്കും നിരവധി ഫാൻസുണ്ട്. ഇൻസ്റ്റയിൽ ഇവരെ തിരയുന്ന നിരവധിപേരുണ്ട്. പ്രാർത്ഥനയ്ക്ക് പാട്ടും ഡാൻസും ജീവനാണെങ്കിൽ നക്ഷത്ര അഭിനയലോകത്തുണ്ട്. ഇന്ദ്രജിത്തും പൂർണിമയും ഇടയ്ക്കിടയ്ക്ക് ഇവരൊന്നിച്ചുള്ള ചിത്രങ്ങള്‍ സോഷ്യൽമീഡിയയിൽ പങ്കുവയ്ക്കാറുമുണ്ട്.
ഒരു ഔട്ടിങ് ചിത്രം
കഴിഞ്ഞ ദിവസം മലബാര്‍ കഫേയിൽ മക്കളോടൊപ്പം ഔട്ടിങ്ങിനിറങ്ങിയ ചിത്രങ്ങള്‍ ഇന്ദ്രജിത്ത് തന്‍റെ ഇൻസ്റ്റയിൽ പങ്കുവെച്ചിരുന്നു. ചിത്രത്തിൽ ഇന്ദ്രജിത്തിന്‍റെ മക്കള്‍ ധരിച്ചിരിക്കുന്ന വസ്ത്രത്തിനെതിരെയാണ് ഇപ്പോള്‍ സദാചാരവാദികൾ വിവിധ തരം കമന്‍റുകളുമായി എത്തിയിരിക്കുന്നത്. കഴിഞ്ഞ ദിവസം നടി അനശ്വര രാജനെതിരെ നടന്ന അതേ സൈബര്‍ അറ്റാക്ക്.
Also Read: ബ്ലാക്ക് ബെല്‍റ്റുമായി ഇടിക്കാന്‍ ഒരുങ്ങി നില്‍ക്കുന്നത് ആരെന്ന് മനസിലായോ? സംസ്ഥാന അവാര്‍ഡ് നേടിയ നടിയാണ്!
ഓൺലൈൻ ഉപദേശ കമ്മിറ്റിക്കാർ
പെൺകുട്ടികളാണ് മാന്യമായി വസ്ത്രം ധരിപ്പിച്ചാൽ കൊള്ളാം, മക്കളുടെ വസ്ത്രങ്ങളിൽ മാതാപിതാക്കൾ കൂടുതൽ ശ്രദ്ധിക്കണം, ഇന്ദ്രജിത്ത് സാറിനെ ഇഷ്ടമാണ്, പക്ഷേ കൊച്ചു പിള്ളേരെ ചെറുപ്പത്തിൽ തന്നെ ചീത്ത പാത കാണിച്ച് കൊടുക്കുന്ന താങ്കൾ നല്ലൊരു അച്ഛനല്ലാ, എന്നൊക്കെയാണ് ചിത്രത്തിന് താഴെ സദാചാരവാദികളുടെ ഉപദേശങ്ങൾ.
ഓൺലൈൻ പെങ്ങന്മാരും അമ്മായിമാരും
ഇത്തരത്തിൽ ഓൺലൈൻ ഉപദേശവുമായി എത്തിയവര്‍ക്കെതിരെയും നിരവധിപേർ എത്തിയിട്ടുണ്ട്. എപ്പോഴും ഓൺലൈൻ ആങ്ങളമാരെയാണ് കാണാറുള്ളത് ഇക്കുറി ഓൺലൈൻ പെങ്ങന്മാരും അമ്മായിമാരുമൊക്കെയുണ്ടല്ലോ എന്നാണ് ചിലര്‍ ഇത്തരക്കാരെ കളിയാക്കി ചോദിച്ചിട്ടുള്ളത്. പ്രാർത്ഥന തന്‍റെ ഇൻസ്റ്റ പേജിൽ പങ്കുവെച്ച ചില ചിത്രങ്ങൾക്കെതിരെയും സാദാചാര വാദികള്‍ എത്തിയിട്ടുണ്ട്.
ചിത്രങ്ങൾ കടപ്പാട് - ഇൻസ്റ്റഗ്രാം
Also Read:വീണ്ടും കാക്കി അണിയാന്‍ പൃഥ്വി; കുറ്റാന്വേഷണ കഥയുമായി പൃഥ്വിരാജ്