29 ല്‍ തുടങ്ങിയ പ്രണയം
ഇവര്‍ പ്രണയിക്കുന്ന കാലത്ത് ഈ പ്രായ വ്യത്യാസം വലിയ ചര്‍ച്ചയായിരുന്നു. നയന്‍താരയുമായുള്ള പ്രണയം തുടങ്ങുന്ന സമയത്ത് 29 വയസ്സ് ആയിരുന്നു വിഘ്‌നേശിന്റെ പ്രായം. മുപ്പത്കാരിയെ പ്രണയിക്കുന്നോ എന്ന് ചോദിച്ചുകൊണ്ടുള്ള വിമര്‍ശനങ്ങള്‍ കാരണം പ്രണയത്തെ കുറിച്ച് തുറന്ന് പറയാന്‍ പോലും വിഘ്‌നേശ് മടിച്ചിരുന്നു എന്നായിരുന്നു അന്നത്തെ ഗോസിപ്പ്.
പ്രായ വ്യത്യാസം
എന്നാല്‍ പറയത്തക്ക ഭീകരമായ പ്രായ വ്യത്യാസം ഒന്നും നയന്‍താരയ്ക്കും വിഘ്‌നേശ് ശിവനും ഇല്ല. നയന്‍താരയെക്കാള്‍ ഒരു വയസ്സ് മാത്രമേ വിഘ്‌നേശ് ശിവന് കുറവുള്ളൂ. മുപ്പത്തിയേഴ് വയസ്സ് നയന്‍താരയ്ക്കും, 36 വയസ്സ് വിഘ്‌നേശ് ശിവനും.
നയനും വിക്കിയും മാത്രമല്ല
എന്നാല്‍ നയന്‍താരയ്ക്ക് വിഘ്‌നേശിനും മുന്‍പ്, അതില്‍ അധികം പ്രായ വ്യത്യാസമുള്ള കപ്പിള്‍സ് തമിഴകത്ത് തന്നെ ഉണ്ടായിട്ടുണ്ട്. ധനുഷും ഐശ്വര്യയും തമ്മില്‍ രണ്ട് വയസ്സിന്റെ പ്രായ വ്യത്യാസമാണ് ഉണ്ടായിരുന്നത്. പ്രായ വ്യത്യാസം അവരുടെ ജീവിതത്തെ ബാധിച്ചിരുന്നില്ല. വാസ്തവത്തില്‍, ആ പ്രായ വ്യത്യാസം ഞങ്ങള്‍ക്കിടയിലെ ബഹുമാനം കൂട്ടിയിട്ടേയുള്ളൂ എന്നാണ് ധനുഷ് പറഞ്ഞത്.
കുട്ടിയെ പോലെ തന്നെ നയന്‍
എന്നാല്‍ നയന്‍താരയുടെ പ്രായമോ സ്റ്റാര്‍ഡമോ ഒന്നും ഇരുവര്‍ക്കിടയിലും അന്തരം സൃഷ്ടിച്ചിട്ടില്ല എന്ന് തന്നെയാണ് സ്വകാര്യ നിമിഷങ്ങളില്‍ പങ്കുവച്ച വീഡിയോകളിലൂടെ മനസ്സിലാക്കാന്‍ സാധിയ്ക്കുന്നത്. എപ്പോഴും കുട്ടിത്തം മനസ്സില്‍ സൂക്ഷിക്കുന്ന, കുട്ടികളെ പോലെ പെരുമാറുന്ന ആളാണ് നയന്‍ എന്ന് മുന്‍പ് പലപ്പോഴും വിഘ്‌നേശ് പറഞ്ഞിട്ടുണ്ട്. നയന്‍താരയ്ക്ക് ഭക്ഷണം വാരിക്കൊടുക്കുന്ന വീഡിയോ എല്ലാം പങ്കുവച്ചത് വിഘ്‌നേശ് തന്നെയാണ്.