വിതുരയിലേക്ക്
വിതുര വലിയകാല ട്രൈബല് സെറ്റില്മെന്റിലെ 32 കുടുംബങ്ങള് കഴിഞ്ഞ 20 വര്ഷക്കാലമായി ശൗചാലയത്തിനായി പല വാതിലുകളും മുട്ടുകയാണ്. വാര്ത്തകളില് നിന്നും ഇക്കാര്യം അറിഞ്ഞതോടെയാണ് താന് അവിടെ എത്തുന്നതെന്ന് കൃഷ്ണകുമാര് പറയുന്നു. സ്ഥലത്തെത്തി വീടുകള് സന്ദര്ശിച്ച ശേഷം സ്ത്രീകള് മാത്രം താമസിക്കുന്ന വീടുകളും ആരോഗ്യപ്രശ്നങ്ങള്ക്കൊണ്ട് ബുദ്ധിമുട്ടുകള് അനുഭവിക്കുന്നവരും അടങ്ങുന്ന ഒന്പത് വീടുകള് തിരഞ്ഞെടുക്കുകയായിരുന്നു.
നിര്മ്മാണം പൂര്ത്തിയായത് രണ്ട് മാസം കൊണ്ട്
ഏതൊക്കെ വീടുകള്ക്കാണ് ശൗചാലയം നിര്മ്മിച്ച് നല്കേണ്ടത് എന്ന് തീരുമാനിച്ച ശേഷം രണ്ട് മാസം സമയം കൊണ്ട് കെട്ടിടങ്ങള് നിര്മ്മിച്ച് നല്കുകയായിരുന്നു. പണിപൂര്ത്തിയായ ഉടന് അവ വിതുരയിലെ കുടുംബങ്ങള്ക്ക് കൈമാറുകയും ചെയ്തു. മാര്ച്ച് 15-ന് കൃഷ്ണകുമാറും മക്കളായ അഹാന കൃഷ്ണ, ഇഷാനി കൃഷ്ണ, ദിയ കൃഷ്ണ, ഹന്സിക കൃഷ്ണ എന്നിവര് ചേര്ന്നാണ് ചടങ്ങ് നിര്വ്വഹിച്ചത്.
മുന്കൈയ്യെടുത്ത് ഭാര്യയും മകളും
ഈ അടുത്തായാണ് കൃഷ്ണകുമാറിന്റെ ഭാര്യ സിന്ധുവും രണ്ടാമത്തെ മകളായ ദിയയും ചേര്ന്ന് 'അഹാദിക ഫൗണ്ടേഷന്' എന്ന ഒരു ചാരിറ്റബിള് സംഘടനയ്ക്ക് രൂപം നല്കുന്നത്. വീട്ടിലെത്തി വിദുരയിലെ ഈ വിഷയത്തെക്കുറിച്ച് ഭാര്യയോട് പറഞ്ഞപ്പോള് നമ്മുടെ ചാരിറ്റബിള് കമ്പനിയുടെ സഹകരണത്തോടെ ഇത് പൂര്ത്തീകരിക്കാമെന്ന് അവര് പറയുകയായിരുന്നെന്നും കൃഷ്ണകുമാര് ഫേസ്ബുക്കില് കുറിച്ചു. ഈ വിവരം തന്റെ സുഹൃത്തിനെ അറിയിച്ചതോടെയാണ് അദ്ദേഹത്തിന്റെ സംഘടനയായ 'അമ്മു കെയര്' എന്ന ചാരിറ്റബിള് ട്രസ്റ്റും ഇതില് പങ്കാളികളാകാം എന്ന് വ്യക്തമാക്കിയത്.
ആദ്യ പ്രോജക്ട്
'അഹാദിഷിക ഫൗണ്ടേഷനും' 'അമ്മുകെയറും' ചേര്ന്നുള്ള ആദ്യ പ്രൊജക്റ്റാണ് വിതുര വലിയകാലയില് നടപ്പിലായത്. പദ്ധതി നിര്വ്വഹണത്തിന് ശേഷം കൃ,്ണകുമാര് അവിടുത്തെ അന്തേവാസിയുമായി ഫോണില് സംസാരിച്ചിരുന്നു. അദ്ദേഹം പറഞ്ഞത് സന്തോേഷത്തോടൊപ്പം സങ്കടവും ഉണ്ടെന്നാണ്. സഹ്കടത്തിന്റെ കാരണം തിരക്കിയപ്പോള് അവിടുത്തെ കൊച്ചു കുട്ടികള്ക്ക് ശൗചാലയം ഉപയോഗിക്കാന് അറിയില്ലെന്നും ഇനി അവരെ അത് ഉപയോഗിക്കാന് പഠിപ്പിച്ച് കൊടുക്കണം എന്നുമാണ് അദ്ദേഹം പറഞ്ഞത്.