'ഓൺ ദ ഫ്ലോർ ബേബി..'; 'കുടുക്ക്...' ഗാനത്തിന് ചുവടുവെച്ച് പ്രേംനസീറും കൂട്ടരും; വീഡിയോ പങ്കുവെച്ച് അജു

നിവിൻ പോളിയെയും നയൻതാരയെയും അജു വര്‍ഗ്ഗീസിനെയും മുഖ്യ കഥാപാത്രങ്ങളാക്കി ധ്യാൻ ശ്രീനിവാസൻ സംവിധാനം ചെയ്ത ലവ് ആക്ഷൻ ഡ്രാമയിലെ കുടുക്ക് പാട്ടാണ് ഈ ഓണക്കാലത്ത് ഏവരെയും ആവേശത്തിലാഴ്ത്തിയത്. ഇത ഗാനത്തിന് ചുവടുവെയ്ക്കുകയാണ് മലയാളത്തിൻ്റെ നിത്യഹരിതനായകൻ പ്രേംനസീറും കൂട്ടരും. ഇതിൻ്റെ വീഡിയോ ചിത്രത്തിലെ നടനും നിര്‍മ്മാതാവുമായ അജു വര്‍ഗ്ഗീസ് സോഷ്യൽ മീഡിയയിൽ പങ്കുവെച്ചിരിക്കുകയാണ് ഇപ്പോൾ.

കാണികളിൽ ചിരിപടര്‍ത്തുന്ന വീഡിയോ സോഷ്യൽ മീഡിയയിൽ ഞൊടിയിടയിലാണ് വൈറലാകുന്നത്. നിരവധി പേരാണ് ചിത്രത്തിലെ ഈ പ്രേംനസീര്‍ മിക്സ്ഡ് വേര്‍ഷനെ പാടിപ്പുകഴ്ത്തി കമൻ്റുകളുമായി രംഗത്തെത്തിയിരിക്കുന്നത്.

Also Read: 30 വര്‍ഷങ്ങള്‍ക്ക് ശേഷം 'തളത്തിൽ ദിനേശനും ശോഭയും' വീണ്ടുമെത്തുമ്പോള്‍

വീഡിയോ കാണാം


Also Read: വൈറലായി 'ലവ് ആക്ഷന്‍ ഡ്രാമ'യിലെ 'കുടുക്ക് പാട്ട്'; വീഡിയോ കാണൂ

നടൻ അജു വര്‍ഗ്ഗീസ് ആദ്യമായി നി‍‍ർമ്മാതാവായിരിക്കുന്ന ചിത്രമാണ് ലവ് ആക്ഷൻ ഡ്രാമ. ധ്യാൻ ശ്രീനിവാസൻ എഴുതി സംവിധാനം ചെയ്തിരിക്കുന്ന ഈ സിനിമയിൽ നിവിൻ പോളിയും നയൻതാരയുമാണ് നായകനും നായികയുമായി അഭിനയിച്ചിരിക്കുന്നത്. ചിത്രം തിയറ്ററുകളിൽ സമ്മിശ്ര പ്രതികരണം നേടിക്കൊണ്ടിരിക്കുകയാണ്.

ഷാന്‍ റഹ്മാനാണ് ചിത്രത്തിലെ ഗാനങ്ങൾക്ക് സംഗീതം പകര്‍ന്നിരിക്കുന്നത്. ശ്രീനിവാസന്‍ തിരക്കഥ എഴുതി സംവിധാനം ചെയ്ത ഹിറ്റ് ചിത്രമായ 'വടക്ക് നോക്കി യന്ത്ര'ത്തിലെ ഹിറ്റ് കഥാപാത്രങ്ങളായ തളത്തില്‍ ദിനേശനേയും ശോഭയേയും ലവ് ആക്ഷന്‍ ഡ്രാമ എന്ന ചിത്രത്തിൽ പുനഃസൃഷ്ടിച്ചിട്ടുണ്ട്.

Also Read: ലവ് ആക്ഷൻ ഡ്രാമ സിനിമ റിവ്യൂ

നിവിന്‍ പോളി തളത്തില്‍ ദിനേശന്‍ ആകുമ്പോള്‍ ശോഭയായി എത്തുന്നത് തെന്നിന്ത്യന്‍ സൂപ്പര്‍ നായിക നയന്‍താരയാണ്. മലര്‍വാടി ആര്‍ട്സ് ക്ലബ് ടീമും ചിത്രത്തിൽ അഭിനയിക്കുന്നുണ്ട്. നടന്‍ അജുവര്‍ഗീസും വിശാഖ് സുബ്രഹ്മണ്യനും ചേര്‍ന്ന് നിര്‍മ്മിക്കുന്ന ചിത്രത്തില്‍ ഭഗത് മാനുവല്‍, ഹരികൃഷ്ണന്‍, ദീപക് പറമ്പോല്‍, ശ്രീനിവാസന്‍, മല്ലിക സുകുമാരന്‍ എന്നിവരും പ്രധാന കഥാപാത്രങ്ങളെ അവതരിപ്പിക്കുന്നുണ്ട്. ചിത്രത്തില്‍ അജു വര്‍ഗീസും വിനീത് ശ്രീനിവാസനും നിർണ്ണായക വേഷങ്ങൾ അവതരിപ്പിക്കുന്നുണ്ട്. ഷാന്‍ റഹ്മാൻ സംഗീതവും ജോമോന്‍ ടി ജോണ്‍, റോബി വര്‍ഗീസ് രാജ് എന്നിവർ ഛായാഗ്രഹണവും വിവേക് ഹര്‍ഷന്‍ ചിത്രസംയോജനവും നിര്‍വ്വഹിച്ചിരിക്കുന്നു