താക്കോൽ ഇല്ലാതെ പൂട്ടില്ല, പരിഹാരമില്ലാത്ത പ്രശ്നവുമില്ല; അക്ഷയ്

പരീക്ഷയിൽ മാർക്ക് കുറഞ്ഞതിന്‍റെ പേരിൽ ആത്മഹത്യ ചെയ്യുന്ന കുട്ടികൾക്ക് ഉപദേശവുമായി ആക്ഷൻ ഹീറോ അക്ഷയ് കുമാർ. വർധിച്ച് വരുന്ന ആത്മഹത്യയിൽ ആശങ്ക പ്രകടപ്പിച്ചാണ് അക്ഷയ് ഫേസ്ബുക്കിൽ അഞ്ച് മിനിറ്റ് ദൈർഘ്യമുള്ള വീഡിയോ പങ്ക് വെച്ചിരിക്കുന്നത്. രുസ്തത്തിലെ മികച്ച പ്രകടനത്തിന് ദേശീയ അവാർഡ് ലഭിച്ചതിൽ അതീവ സന്തോഷമുണ്ടെന്ന് പറഞ്ഞ് കൊണ്ടാണ് വീഡിയോ ആരംഭിക്കുന്നത്. തുടർന്ന് തന്‍റെ ജീവിതത്തിൽ സംഭവിച്ചൊരു കാര്യവും താരം പങ്കുവെച്ചു.

പഠിക്കുന്ന കാലത്ത് പരീക്ഷയിൽ തോറ്റപ്പോയ കഥയാണ് കുട്ടികൾക്കായി അക്ഷയ് പറഞ്ഞത്. പരീക്ഷയിൽ തോറ്റപ്പോൾ മാർക്ക്സ് കാർഡ് വീട്ടിൽ കാണിക്കാൻ ഭയമായിരുന്നു, മാതാപിതാക്കൾ വഴക്കു പറയുമെന്നുള്ള ടെൻഷനായിരുന്നു കൂടുതലും. എന്നാൽ കാർഡ് അച്ഛനെ കാണിച്ചപ്പോൾ എന്താകാനാണ് താല്പര്യമെന്ന് ചോദിച്ചു. സ്പോർട്സാണ് ഇഷ്ടമെന്ന് പറഞ്ഞപ്പോൾ അതിനുള്ള സഹായങ്ങൾ ചെയ്യാമെന്നും പക്ഷെ പഠനം തുടരണമെന്നുമായിരുന്നു പറഞ്ഞത്. അങ്ങനെ മാർഷൽ ആർട്സിൽ ഒരു കൈനോക്കി. പിന്നീട് മോഡലിങിലും അങ്ങനെ സിനിമയിലേക്കുള്ള എൻട്രിയും ലഭിച്ചു.

പരീക്ഷയിൽ മാർക്ക് കുറഞ്ഞതിന്‍റെ പേരിൽ അത്മഹത്യ ചെയ്യുന്ന കുട്ടികളോട് ജിവന് ഒരു വിലയുമില്ലെ എന്ന ചോദ്യമാണ് അക്ഷയ്ക്ക് ചോദിക്കാനുള്ളത്. മാർക്കുകളെക്കാൾ എത്രയോ വലുതാണ് ജീവിതം. ആത്മഹത്യ ഒന്നിന്‍റെയും അവസാനമല്ല. താക്കോൽ ഇല്ലാതെ പൂട്ടുകൾ ഇല്ല, അതുപോലെ പരിഹാരമില്ലാത്ത പ്രശ്നങ്ങളുമില്ലെന്നാണ് താരം പറയുന്നത്.
ആത്മഹത്യ ചെയ്താൽ മാതാപിതാക്കളുടെ അവസ്ഥയെ കുറിച്ച് ആലോചിക്കണം. മാതാപിതാക്കളുമായി കുട്ടികൾക്ക് എന്തും ആശയവിനിമയം നടത്താനുള്ള ഒരു സാഹചര്യമുണ്ടാകണമെന്നും അക്ഷയ് വീഡിയോയിൽ പറഞ്ഞു.



Akshay posts video for students facing exam stress

Actor Akshay Kumar has shared a video message with students going through exam stress where he has advised them against bottling up their emotions.