ജ്യോത്സ്യന്റെ പ്രവചനം പോലെ അലന്റെ വാക്കുകൾ; എന്നാലും ഇത് ഇച്ചിരി കടന്നു പോയെന്ന് ട്രോളന്മാർ!

ഒരാളെ പോലെ ഏഴുപേരുണ്ട് എന്ന ശ്രുതി നമ്മൾ ഒരുപാട് കാലം കേട്ടിട്ടുള്ളതാണ്. എന്നാൽ ഒരാളുടെ ശബ്ദം പോലെ മറ്റൊരാൾക്കും, അതും ഒരു ബന്ധം പോലും ഇല്ലാത്ത ഒരാൾക്ക് കിട്ടുക എന്നത് അൽപ്പം റെയർ ആയ കാര്യവുമാണ്. അത്തരത്തിൽ ജനഗണമന ചിത്രം ഇറങ്ങിയ സമയത്താണ് പൃഥ്വിരാജിൻ്റെ ശബ്ദം കൊണ്ട് സമൂഹ മാധ്യമങ്ങളിൽ അലൻ ജോർജ് എന്ന ചെറുപ്പക്കാരൻ നിറയുന്നത്.

പൃഥ്വിരാജിൻ്റെ തന്നെ ജനഗണമന എന്ന സിനിമക്ക് റിവ്യു പറഞ്ഞതോടെയാണ് അലൻ സോഷ്യൽ മീഡിയയിൽ താരമായത്. വളരെ അപ്രതീക്ഷിതമായിട്ടാണ് അലൻ ഓൺലൈൻ മീഡിയാസിന് സിനിമ കണ്ടിറങ്ങിയ ശേഷം റിവ്യു നൽകിയത്. ഒരു സാധരണ സംഭവമായിട്ടാണ് അലൻ അതിനെ കണ്ടതും. എന്നാൽ വീഡിയോ വമ്പൻ ഹിറ്റായിരുന്നു. ഈ ചിത്രം ഓടിടിയിലേക്ക് പോകുമ്പോഴേക്കും പൃഥ്‌വി രാജിന്റെയും മറ്റുളവരുടെയും വീട്ടിൽ ഒരു ഇൻകം ടാക്സ് റെയ്ഡ് നടക്കും എന്നായിരുന്നു അലന്റെ വാക്കുകൾ. ഇപ്പോഴിതാ പൃഥ്വി രാജിന്റെ വീട്ടിൽ കഴിഞ്ഞദിവസം റെയ്ഡും നടക്കുകയുണ്ടായി. ഇതിനു പിന്നാലെയാണ് ട്രോളന്മാർ അലന്റെ വീഡിയോ കുത്തിപ്പൊക്കിയത്.


ALSO READ: സന്തോഷത്തിന് പിന്നാലെ ദു:ഖവാർത്ത! അതൊന്നും വിശ്വസിക്കല്ലേ, ആരോ ഞങ്ങളെ തകര്‍ക്കാന്‍ ശ്രമിക്കുന്നുണ്ട്! വീഡിയോയുമായി വിജയും ദേവികയും

പൃഥ്വിക്ക് പുറമെ നിര്‍മാതാക്കളായ ആന്റണി പെരുമ്പാവൂര്‍, ലിസ്റ്റിന്‍ സ്റ്റീഫന്‍, ആന്റോ ജോസഫ് എന്നിവരുടെ വീടുകളിലും ആദായ നികുതി വകുപ്പിന്റെ കേരള തമിഴ്‌നാട് ടീമുകള് പരിശോധന നടത്തിയിരുന്നു.

ആന്റണി പെരുമ്പാവൂരിന്റെ പെരുമ്പാവൂര്‍ പട്ടാലിലെ വീട്ടിലാണ് പരിശോധന നടത്തിയത്. വ്യാഴാഴ്ച്ച രാവിലെ എട്ടിന് തുടങ്ങിയ പരിശോധന രാത്രിയാണ് അവസാനിച്ചത്. എന്നാല്‍ പരിശോധന സംബന്ധിച്ച വിവരങ്ങള്‍ മാധ്യമപ്രവര്‍ത്തകരോട് വിശദീകരിക്കാനും ഉദ്യോഗസ്ഥര്‍ തയ്യാറായില്ല.

ഗേറ്റ് അടച്ചുപൂട്ടി പുറത്തുനിന്നുള്ളവര്‍ക്ക് പ്രവേശനം വിലക്കിയായിരുന്നു റെയ്ഡ് എന്നും വിവിധ മാധ്യമങ്ങൾ റിപ്പോർട്ട് ചെയ്തു.