എനിക്കൊരു പേടിയും ഇല്ല: ഇനിയും മുൻപോട്ട് പോകാൻ ആരുടേയും സഹായം വേണ്ട: നയം വ്യക്തമാക്കി അമലാപോൾ!

തെന്നിന്ത്യന്‍ സിനിമാപ്രേക്ഷകര്‍ക്ക് പ്രിയങ്കരിയായി മാറിയ താരമാണ് അമല പോള്‍. വ്യത്യസ്തമായ കഥാപാത്രങ്ങളുമായി മുന്നേറിയ താരം ഇടയ്ക്ക് വെച്ച് ബ്രേക്കെടുത്തിരുന്നു. അഭിനയത്തിന് പുറമെ നിര്‍മ്മാണത്തിലും താരം സാന്നിധ്യം അറിയിച്ചിരുന്നു. നീണ്ടനാളത്തെ ഇടവേളയ്ക്ക് ശേഷം ടീച്ചർ എന്ന സിനിമയിലൂടെയാണ് അടുത്തിടെ അമല മലയാളത്തിലേക്ക് തിരിച്ചു വന്നത്. ഇപ്പോഴിതാ അമലയുടെ ഒരു അഭിമുഖം ആണ് വൈറലായി മാറുന്നത്.


വലിയ വലിയ നായകന്മാരുടെ ഒപ്പം അഭിനയിച്ചിട്ട് പുതുമുഖ നാടൻമാർക്ക് ഒപ്പം അഭിനയിക്കുക എന്ന് പറയുമ്പോൾ ചില താരങ്ങൾക്ക് ഒരു ബുദ്ധിമുട്ടോ, അല്ലെങ്കിൽ പേടിയോ ഒക്കെ തോന്നാറുണ്ട്. ഇൻഡസ്ട്രിയിൽ ഒരു സ്ഥിരംനിലനിൽക്കുന്ന കാഴ്ചയാണ് ഇത്. ഹക്കിം ഷാ ഒരു പുതിയ വ്യക്തിയാണ്. ന്യൂ കമർ എന്ന് തീർത്തും പറയാം. അപ്പോൾ അമലയ്ക്ക് ഈ മാർക്കറ്റ് പോയ് പോകും എന്ന പേടി തോന്നിയില്ലേ എന്ന അവതാരകന്റെ ചോദ്യത്തിന് മറുപടി നൽകുകയാണ് അമല പോൾ. താരത്തിന്റെ വാക്കുകളിലേക്ക്.

ALSO READ: ഞാൻ ആരുടേയും വീട്ടിൽ പോയി പ്രശ്നങ്ങൾ ഉണ്ടാക്കിയിട്ടില്ല: എനിക്ക് രണ്ടുമാസം തുടർച്ചയായി അവിടെ നിന്നാൽ വിഷമം വരും; ഭാവന
നോക്കൂ അത്തരം ചിന്തകൾ വരുന്നത് തന്നെ ഇൻസെക്യൂരിറ്റിയിൽ നിന്നുമാണ്. എനിക്ക് അത്തരത്തിൽ ഒരു ചിന്തയേ ഇല്ല. ഞാൻ അമല പോൾ ആയത് ഈ പറയുന്ന ആരുടേയും നിഴലിൽ നിന്നിട്ടല്ല. എന്റെ കഴിവിലും, എന്റെ ഹാർഡ് വർക്കിലും എനിക്ക് വിശ്വാസം ഉണ്ട്. അതിലുപരി എനിക്ക് എന്നിൽ ഒരു വിശ്വാസം ഉണ്ട്. ആ ഒരു വിശ്വാസം ആണ് എന്നെ ഇവിടെ കൊണ്ടുവന്നെത്തിച്ചതും. എനിക്ക് ഇനിയും മുൻപോട്ട് പോകാൻ ആരുടെയും സഹായം ആവശ്യം ഉണ്ട് എന്ന് എനിക്ക് തോന്നുന്നില്ല. ഞാൻ ഒരു സിനിമ കൺസിഡർ ചെയ്യുമ്പോൾ അതിന്റെ കഥയും സംവിധായകനെയും ആണ് നോക്കുന്നത്. അതിലെ കാസ്റ്റിനെ തെരഞ്ഞെടുക്കാനുള്ള അവകാശം അതിന്റെ സംവിധായകന് ആണ്.

സിനിമ വിജയിക്കുന്നതോ, പരാജയപെടുന്നതോ എനിക്ക് വിഷയം അല്ല. ഒരു സുഹൃത്ത് എന്ന നിലയിൽ അല്ല ഹക്കിമിലെ ഒരു നടനെ എനിക്ക് അറിയാം. പലരും അഭിനയിക്കാൻ ആഗ്രഹം ഉണ്ടന്ന് പറയും. എന്നാൽ അതിനു എഫേർട്ട് എടുക്കും എന്ന് തോന്നുന്നില്ല. ഹക്കിം എന്ന് പറഞ്ഞാൽ പലതും, തന്നെ- താൻ എഴുതി അഭിനയിച്ച ഒരു വ്യക്തി കൂടിയാണ്. ഭയങ്കര ഡെഡിക്കേറ്റഡ് ആൻഡ് ക്രിയേറ്റിവ് പേഴ്സൺ ആണ് അദ്ദേഹം.സുജിത് എന്ന കഥാപാത്രത്തെ ഹക്കിം അല്ലാതെ മറ്റാരും ഇത്രയും പെർഫെക്ട് ആക്കും എന്ന് തോന്നുന്നില്ല.- അമല കൗമുദി ചാനലിനോട് പറഞ്ഞു.