അവള്‍ ജീവിതത്തിന്റെ പുതിയ ഘട്ടത്തിലേക്ക് കടന്നു; ചിത്രങ്ങള്‍ പങ്കുവച്ച് അമല പോള്‍

സോഷ്യല്‍ മീഡിയയുമായി ഏറ്റവും അടുത്ത് നില്‍ക്കുന്ന താരമാണ് അമല പോള്‍. തന്റെ സിനിമാ വിശേഷങ്ങളും യാത്രാ വിശേഷങ്ങളും ഒരു പരിതി വരെ കുടുംബ വിശേഷങ്ങളും അമല പോള്‍ സോഷ്യല്‍ മീഡിയയില്‍ പങ്കുവയ്ക്കാറുണ്ട്. അങ്ങനെ പങ്കുവച്ച ഏറ്റവും പുതിയ ചില ചിത്രങ്ങളാണ് ഇപ്പോള്‍ ഇന്‍സ്റ്റഗ്രാമില്‍ വൈറലാവുന്നത്. മറ്റൊന്നുമല്ല, കുഞ്ഞ് അനിയത്തിയുടെ കല്യാണം കഴിഞ്ഞു എന്ന സന്തോഷമാണ് അമല പങ്കുവച്ചിരിയ്ക്കുന്നത്. കല്യാണ പാര്‍ട്ടിയ്ക്ക് ഇടയില്‍ എടുത്ത ചിത്രങ്ങളോടൊപ്പമാണ് പോസ്റ്റ്.

'എന്റെ കുഞ്ഞു അനുജത്തി വളര്‍ന്നു. അവള്‍ ജീവിതത്തിന്റെ പുതിയ ഘട്ടത്തിലേക്ക് കടക്കുന്നത് കാണുമ്പോള്‍ ഞങ്ങള്‍ എല്ലാവരും അഭിമാനം കൊണ്ട് വീര്‍പ്പ് മുട്ടുന്നു. വധുവിന്റെ സഹോദരനും എന്റെ ഉറ്റ സുഹൃത്തുമായ റിച്ചാര്‍ഡിന് ഒരു പ്രത്യേക കൂവല്‍. ഇത്രയും വലിയ ഉത്തരവാദിത്വം നീ ഏറ്റെടുത്തത് കാണുന്നതില്‍ എനിക്ക് അതിയായ സന്തോഷമുണ്ട്. ഇത് തുടരുക. നീ വലിയവനാണ്' എന്നാണ് അമല പോളിന്റെ ഇന്‍സ്റ്റഗ്രാം പോസ്റ്റ്

മഞ്ഞ നിറത്തിലുള്ള എത്തനിക് വെയേര്‍സ് ആണ് അമല പോള്‍ ധരിച്ചിരിയ്ക്കുന്നത്. കല്യാണത്തിന്റെ ഏറ്റവും വലിയ ആകര്‍ഷണം അമല തന്നെയാണ് എന്ന് പങ്കുവച്ച ചിത്രങ്ങളില്‍ നിന്നും വ്യക്തമാക്കാം. വെഡ്ഡിങ്, കസിന്‍സ്, ക്രിസ്റ്റ്യന്‍ വെഡ്ഡിങ് എന്നൊക്കെയാണ് ഹാഷ് ടാഗുകള്‍ കൊടുത്തിരിയ്ക്കുന്നത്.

കല്യാണ പെണ്ണിനെയും ചെറുക്കനെയും ആശംസിയ്ക്കുന്ന കമന്റുകള്‍ക്കൊപ്പം ചില രസകരമായ കമന്റുകളും അമല പോളിന്റെ പോസ്റ്റിന് താഴെ വരുന്നുണ്ട്. അമല പോളിന്റെ സൗന്ദര്യത്തെ വര്‍ണിച്ചുകൊണ്ടുള്ള കമന്റുകള്‍ക്കും കുറവൊന്നും ഇല്ല. അതിനിടയില്‍, 'എല്ലാവരും കല്യാണം കഴിച്ച് പോകുന്നു, അമല പോള്‍ ഇനി എന്നാണ് ഒരു കല്യാണം കഴിക്കുന്നത്' എന്നാണ് ഒരു വിദ്വാന്റെ ചോദ്യം.

അമല പോളിന്റെ കരിയര്‍ ബെയ്‌സ്, ഇപ്പോള്‍ വളരെ അധികം സെലക്ടീവ് ആണ് താരം. മലയാളത്തിന് പുറമെ തമിഴിലും തെലുങ്കിലും കന്നടയിലും സാന്നിധ്യം അറിയിച്ച താരം ഓടിടിയിലും വിജയം നേടി കഴിഞ്ഞു. ടീച്ചര്‍ ആണ് അമലയുടെ ഏറ്റവും പുതിയ ചിത്രം