പരസ്യ പ്രതികരണങ്ങള്‍ വിലക്കി എഎംഎംഎ

കൊച്ചി: മാധ്യമങ്ങളിലും സോഷ്യല്‍മീഡിയയിലും പരസ്യ പ്രതികരണങ്ങൾ വിലക്കി താരസംഘടനയായ എഎംഎംഎ സ‍ർക്കുല‍ർ. വാര്‍ഷിക പൊതുയോഗത്തിലെ തീരുമാനങ്ങള്‍ അറിയിച്ച്‌ കൊണ്ട് 'അമ്മ പ്രസിഡന്റ് ഇറക്കിയ സര്‍ക്കുലറിലാണ് ഈ നിര്‍ദ്ദേശം.

രേവതി, പത്മപ്രിയ എന്നിവരുമായി ഓഗസ്റ്റ് ഏഴിന് ചര്‍ച്ച നടത്തുമെന്നും അംഗങ്ങള്‍ക്ക് നല്‍കിയ സര്‍ക്കുലറില്‍ വ്യക്തമാക്കിയിട്ടുണ്ട് .കൂടാതെ നടന്‍ ജോയ് മാത്യുവിനെയും അന്തരിച്ച നടന്‍ തിലകനുമായി ബന്ധപ്പെട്ട പ്രശ്നത്തില്‍ മകന്‍ ഷമ്മി തിലകനെയും ചര്‍ച്ചയ്ക്ക് വിളിച്ചിട്ടുണ്ട്.