വിവാദം 'അമ്മ' യോഗത്തിൽ ചര്‍ച്ച ചെയ്യേണ്ട കാര്യമില്ലെന്ന് ഇന്നസെന്‍റ്

കൊച്ചി: കൊച്ചിയിൽ നടി ആക്രമിക്കപ്പെട്ട സംഭവവുമായി ബന്ധപ്പെട്ട് നടക്കുന്ന വിവാദം ഇന്ന് ചേരാനിരിക്കുന്ന ചലച്ചിത്ര പ്രവര്‍ത്തകരുടെ സംഘടനയായ അമ്മയുടെ യോഗത്തിൽ ചര്‍ച്ച ചെയ്യേണ്ട കാര്യമില്ലെന്ന് അമ്മയുടെ പ്രസിഡന്‍റ് ഇന്നസെന്‍റ്. കോടതിയിലിരിക്കുന്ന വിഷയം ചര്‍ച്ച ചെയ്തിട്ട് കാര്യമില്ലെന്നും സംഭവത്തിൽ കുറ്റവാളി ആരാണെങ്കിലും ശിക്ഷിക്കപ്പെടണമെന്നും അവര്‍ക്കൊപ്പം നിൽക്കില്ലെന്നും ഇന്നസെന്‍റ് വ്യക്തമാക്കി. സംഭവത്തിന് ഇരയായ നടിയുടെ പേര് പരാമര്‍ശിച്ച് പ്രതികരിച്ചവര്‍ക്കെതിരെ പ്രതികരിക്കാൻ താൻ ഇല്ലെന്നും അമ്മ പ്രസിഡന്‍റ്.

സിനിമാ മേഖലയില്‍ ക്രിമിനലുകളുള്ളതായി തനിക്ക് അറിയില്ല. സംഭവത്തിൽ അന്വേഷണം ശരിയായ ദിശയിലാണ് നടക്കുതെന്നും ഇന്നസെന്‍റ് പ്രതികരിച്ചു. പ്രമുഖ വാര്‍ത്താ ചാനലിനോട് പ്രതികരിക്കവേയാണ് ഇന്നസെന്‍റ് ഇക്കാര്യങ്ങൾ പറഞ്ഞത്.

'AMMA' Meeting will not discuss about recent Controversy: Actor Innocent

Mollywood star's association 'AMMA' Meeting will not discuss about recent Controversy regarding actress Attack Case. declared AMMA President Actor Innocent