നവകേരളത്തിനായി 'എഎംഎംഎ' താരനിശ അബുദാബിയില്‍

കൊച്ചി: ഫിലിം പ്രൊഡ്യൂസേഴ്സ് അസോസിയേഷനും താരസംഘടനയായ 'എഎംഎംഎയും തമ്മിലുണ്ടായിരുന്ന തര്‍ക്കം ഒത്തുതീര്‍ന്നതായി താരസംഘടനയുടെ പ്രസിഡൻ്റ് മോഹൻലാൽ. ഡിസംബര്‍ 7ാം തീയ്യതി അബുദാബിയില്‍ വെച്ച്‌ തന്നെ 'അമ്മ'യുടെ താരനിശ നടക്കുമെന്ന് കൊച്ചിയിൽ ചേ‍ർന്ന യോഗത്തിൽ തീരുമാനമായി.

നിര്‍മ്മാതാക്കളുമായി ആലോചിക്കാതെ ഷോയിൽ താരങ്ങളെ പങ്കെടുപ്പിക്കാന്‍ തീരുമാനിച്ചതാണ് പ്രൊഡ്യൂസേഴ്സ് അസോസിയേഷനെ പ്രകോപിപ്പിച്ചത്. താരനിശയ്ക്ക് പോയാല്‍ ഷൂട്ടിംഗ് ഷെഡ്യൂളുകള്‍ നീളുമെന്ന് പ്രൊഡ്യൂസേഴ്സ് അസോസിയേഷന്‍ ആരോപിച്ചു. അതിനാൽ മോഹൻലാലിൻ്റെ നേതൃത്വത്തിൽ ഒത്തുതീ‍ർപ്പ് ചർച്ചകൾ നടത്തുകയായിരുന്നു. പ്രളയ ദുരിതാശ്വാസത്തിന് പണം കണ്ടെത്തുന്നതിനാണ് താരനിശ സംഘടിപ്പിക്കുന്നത്.