'അന-അൽ-ഹഖി'ൽ താരമായി ഷാജി കൈലാസും കുടുംബവും

കൊച്ചി: നബി ദിനത്തിന് മുന്നോടിയായി ഇടപ്പള്ളി മാരിയറ്റ് ഹോട്ടലിൽ നടന്ന ചടങ്ങിൽ താരമായി സംവിധായകൻ ഷാജി കൈലാസും കുടുംബവും. അന-അൽ-ഹഖ് എന്ന മ്യൂസിക് വീഡിയോയുടെ ഭാഗമായി നടന്ന ചടങ്ങിലാണ് ഷാജി കൈലാസും നടിയും ഭാര്യയുമായ ആനിയും മൂന്ന് മക്കളുമെത്തിയത്. ഒരു കൂട്ടം സംഗീതാസ്വാദകരുടെ കൂട്ടായ്മയാണ് അന-അൽ-ഹഖ്. നടനും ഗായകനും ഗാനരചയിതാവുമായ ശബരീഷ് വർമ്മയുടെ വരികള്‍ക്ക് സന്തോഷ് ചന്ദ്രന്‍റെ സംഗീതവും. ഗായികയും നടിയുമായ രഞ്ജിനി ജോസ് പാടി അഭിനയിച്ചിരിക്കുന്നു. നബി ദിനത്തോടനുബന്ധിച്ച് 12ന് ഇത് യൂട്യൂബിൽ പ്രകാശനം ചെയ്യും.

ചിത്രങ്ങൾ-അജിലാൽ