നാത്തൂന്‍ എന്ന ഫീലൊന്നുമില്ല! കല്യാണത്തിന് മുന്നേ കൂട്ടായവരാണ് ഞങ്ങള്‍! അര്‍ജുന്റെ ഭാര്യയെക്കുറിച്ച് അനന്യ

പോസിറ്റീവ് എന്ന ചിത്രത്തിലൂടെയായി നായികയായി അരങ്ങേറിയ താരമാണ് അനന്യ. വൈവിധ്യമാര്‍ന്ന നിരവധി കഥാപാത്രങ്ങളെയാണ് താരം അവതരിപ്പിച്ചത്. അഭിനയം മാത്രമല്ല നല്ലൊരു പാട്ടുകാരി കൂടിയാണ് താരം. പുതിയ സിനിമയെക്കുറിച്ചുള്ള വിശേഷങ്ങള്‍ പങ്കുവെച്ചുള്ള അഭിമുഖം ശ്രദ്ധേയമായിക്കൊണ്ടിരിക്കുകയാണ്. മൈല്‍സ്റ്റോണ്‍ മേക്കേഴ്‌സിന് നല്‍കിയ അഭിമുഖത്തിലായിരുന്നു താരം വിശേഷങ്ങള്‍ പങ്കുവെച്ചത്.
സിനിമകളുടെ വര്‍ക്കുകള്‍ നടക്കുന്നുണ്ട്. ഒരു തമിഴ് സിനിമയുടെ ഷൂട്ട് കഴിഞ്ഞു. വൈകാതെ റിലീസുണ്ടാവും. മലയാളത്തില്‍ രണ്ട് സിനിമകള്‍ വരാനുണ്ട്. അപ്പനിലെ ക്യാരക്ടര്‍ ചെയ്യാനായി പ്രത്യേകമായ തയ്യാറെടുപ്പുകളൊന്നുമില്ലായിരുന്നു. സംസാരത്തിലെ നീട്ടലിനെക്കുറിച്ചായിരുന്നു സംവിധായകന്‍ പറഞ്ഞത്. മലയോര പ്രദേശമായതിനാല്‍ എല്ലാം വിളിച്ച് പറയുന്ന ശീലമാണ്. ഓപ്പണായി സംസാരിക്കണമെന്ന് പറഞ്ഞിരുന്നു. വളരെ പതിയെ സംസാരിക്കുന്ന ആളാണ് ഞാന്‍. തൊട്ടടുത്തല്ല ആള്‍ എന്ന് പറയാറുണ്ടായിരുന്നു.
സിനിമ ബാക്ക്ഗ്രൗണ്ടുള്ള കുടുംബമല്ല. സുഹൃത്തിനൊപ്പം ഒരു സിനിമയുടെ നിര്‍മ്മാണത്തിന്റെ ഭാഗമായിട്ടുണ്ടെന്നേയുള്ളൂ.
Also Watch
പ്രൊഡ്യൂസ് ചെയ്‌തോ, ചെയതു അത്രേയുള്ളൂ. എന്തോ നിയോഗം പോലെ സിനിമയിലെത്തിയതാണ് ഞാന്‍. ആദ്യം അഭിനയിച്ച ഷോര്‍ട്ട് ഫിലിം റിലീസായിട്ടില്ല. എനിക്കങ്ങനെ സിനിമയില്‍ വരണമെന്ന ആഗ്രഹമൊന്നുമുണ്ടായിരുന്നില്ല. പോസിറ്റീവാണ് ആദ്യം വന്ന അവസരം. കോളേജില്‍ പഠിക്കുന്ന സമയത്തായിരുന്നു അത്. വേണ്ട, പഠിത്തത്തിനെ ബാധിക്കും. വീണ്ടും അതേ ടീം അന്വേഷിച്ച് വന്നപ്പോഴാണ് എന്നാല്‍ ചെയ്ത് നോക്കാമെന്ന് തീരുമാനിച്ചത്.
അര്‍ജുന് സിനിമയില്‍ അഭിനയിക്കാന്‍ ആഗ്രഹമുള്ളതായി എനിക്കറിയില്ലായിരുന്നു. അവന്‍ അഭിനയിച്ചപ്പോഴാണ് ഞാന്‍ അത് മനസിലാക്കിയത്. അവന്റെ ഭാര്യയുമായി നേരത്തെ കൂട്ടായിരുന്നു. നാത്തൂന്‍ ഫീലൊന്നുമില്ല, ഞങ്ങള്‍ നല്ല കമ്പനിയാണ്. സാധാരണ നാത്തൂന്‍ വരുമ്പോഴുള്ള ഫോര്‍മാലിറ്റിയൊന്നുമില്ല ഞങ്ങള്‍ക്കിടയില്‍. മാധു ഇട്ട ചായ ഒരിക്കലേ കുടിച്ചിട്ടുള്ളൂ. കുഴപ്പമില്ലായിരുന്നു. അതേക്കുറിച്ച് കൂടുതല്‍ വെളിപ്പെടുത്തിയാല്‍ എങ്ങനെയാവുമെന്നറിയില്ലെന്നായിരുന്നു അനന്യ മാധവിയെക്കുറിച്ച് പറഞ്ഞത്.