സിനിമ ഉപേക്ഷിച്ചു എന്ന്
തന്നെ കുറിച്ച് അധികം ഗോസിപ്പുകള്‍ ഒന്നും ഉണ്ടായിട്ടില്ല എന്നാണ് മമിത പറയുന്നത്. എന്നാല്‍ സൂപ്പര്‍ ശരണ്യയ്ക്ക് ശേഷം അഭിനയത്തില്‍ നിന്നും വിട്ടു നില്‍ക്കുകയാണ്, മമിത അഭിനയം നിര്‍ത്തി എന്നൊക്കെ ചിലര്‍ പറഞ്ഞ് പ്രചരിപ്പിച്ചരുന്നു. അതിന് ഒരു കാരണം ഉണ്ട്. സൂപ്പര്‍ ശരണ്യയ്ക്ക് ശേഷം ഞാന്‍ ഒരു തമിഴ് സിനിമ കമ്മിറ്റ് ചെയ്തിരുന്നു. എന്റെ ആറ് മാസത്തെ ഡേറ്റും നല്‍കി.
ഗ്യാപ്പ് വരാന്‍ കാരണം
സിനിമ ഭൂരിഭാഗവും ഷൂട്ട് ചെയ്തതിന് ശേഷം പിന്നീട് അതില്‍ നിന്നും പിന്മാറേണ്ട ഒരു സാഹചര്യം വന്നു. ആ കാലയളവില്‍ മറ്റ് സിനിമകളും ചെയ്യാന്‍ സാധിച്ചിരുന്നില്ല. അതുകൊണ്ടാണ് മലയാളത്തില്‍ ചെറിയ ഗ്യാപ് വന്നത്. ആ സിനിമ പുറത്ത് വന്നതും ഇല്ല, പുതിയ സിനിമള്‍ ഒന്നും ചെയ്യാനും സാധിച്ചില്ല. അത് കാരണം ഞാന്‍ സിനിമ തന്നെ ഉപേക്ഷിച്ചു എന്ന തരത്തില്‍ വാര്‍ത്തകള്‍ കേള്‍ക്കേണ്ടി വന്നു.
പ്ലാസ്റ്റിക് സര്‍ജ്ജറി ചെയ്തു എന്ന്
തന്നെ കുറിച്ച് പല തരത്തിലുള്ള ഗോസിപ്പുകളും കേട്ടിട്ടുണ്ട് എന്നാണ് അനശ്വര പറയുന്നത്. അന്‍പത് ലക്ഷം രൂപ മുടക്കി പ്ലാസ്റ്റിക് സര്‍ജ്ജറി ചെയ്തു എന്ന് വരെ വന്നു. അതിനെ എല്ലാം ചിരിച്ചു തള്ളുകയാണ് നടി. സോഷ്യല്‍ മീഡിയ വിമര്‍ശനങ്ങള്‍ തന്നെ പല തരത്തില്‍ ബാധിച്ചിട്ടുണ്ട് എന്നും, വിമര്‍ശിക്കുന്നവര്‍ മറ്റുള്ളവരുടെ മാനസിക അവസ്ഥയെ കുറിച്ച് ഒരിക്കലും മനസ്സിലാക്കാന്‍ ശ്രമിക്കാറില്ല എന്നും അനശ്വര പറയുന്നു.
മെന്റല്‍ ഹെല്‍ത്തിനെ കുറിച്ച് അറിയില്ല
മെന്റല്‍ ഹെല്‍ത്തിനെ കുറിച്ചുള്ള വലിയ ധാരണകളൊന്നും സോഷ്യല്‍ മീഡിയ ജീവികള്‍ക്ക് ഇല്ല. കാണുന്നതിനോട് എല്ലാം പ്രതികരിയ്ക്കുന്നു എന്നതിനപ്പുറം അത് എന്താണ് എന്ന് മനസ്സിലാക്കുന്നുമില്ല. അടുത്തിടെ ഞാന്‍ എനിക്ക് ഡിപ്രഷനായി എന്ന് പറഞ്ഞപ്പോള്‍ അതിന് എന്റെ കുടുംബത്തെ പഴിച്ചവരുണ്ട്. നിനക്കൊക്കെ എന്തിന് ഡിപ്രഷന്‍ വരുന്നു എന്നൊക്കെയായിരുന്നു ചിലരുടെ ചോദ്യം. അതിനെ കുറിച്ചുള്ള അറിവില്ലായ്മയാണ് അതിന് കാരണം- അനശ്വര പറഞ്ഞു