മലയാള സിനിമയിലെ വേറിട്ട സാന്നിധ്യമായി മാറിയ 'അങ്കമാലി ഡയറീസ്' എന്ന ചിത്രത്തിൻ്റെ തെലുങ്ക് പതിപ്പിൻ്റെ ട്രെയിലര് പുറത്തുവിട്ടു. 2017ലാണ് ലിജോ ജോസ് പെല്ലിശ്ശേരി സംവിധാനം ചെയ്ത അങ്കമാലി ഡയറീസ് റിലീസ് ചെയ്തത്. സിനിമ പുറത്തിറങ്ങി രണ്ട് വര്ഷം കഴിഞ്ഞാണ് തെലുങ്ക് പതിപ്പ് റിലീസിങ്ങിന് ഒരുങ്ങുന്നത്. ഫലക്കനുമ ദാസ് എന്നാണ് ചിത്രത്തിന് പേരിട്ടിരിക്കുന്നത്. വിശാക് സെന് സംവിധാനം ചെയ്ത ചിത്രത്തിൻ്റെ ട്രെയിലര് വൈറലാകുകയാണ്. വിശ്വാക് സെൻ തന്നെയാണ് ചിത്രത്തിൽ പ്രധാന വേഷത്തില് എത്തുന്നത്. മലയാളത്തിൽ പുതുമുഖങ്ങളെ അണിനിരത്തിയാണ് ലിജോ ജോസ് പെല്ലിശ്ശേരി ചിത്രം ഒരുക്കിയിരുന്നത്. ചിത്രത്തിലെ നായകനായി എത്തിയ ആൻ്റണി വര്ഗ്ഗീസും വില്ലൻ കഥാപാത്രത്തെ അവതരിപ്പിച്ച അപ്പാനി ശരത്തും നായികയായി എത്തിയ രേഷ്മ അന്ന രാജനും അവരുടെ തകര്പ്പൻ പ്രകടനം കൊണ്ട് ഏറെ ശ്രദ്ധേ ആകര്ഷിച്ചിരുന്നു. ചെമ്പന് വിനോദ് ജോസിൻ്റെ തിരക്കഥയിലായിരുന്നു അങ്കമാലി ഡയറീസ് സിനിമ അണിയിച്ചൊരുക്കിയത്.
അങ്കമാലി ഡയറീസിൽ പന്നിക്കച്ചവടമായിരുന്നു കഥയുടെ പശ്ചാത്തലമായി വന്നത് എങ്കിൽ തെലുങ്ക് പതിപ്പിൽ ആട് കച്ചവടമാണ്. ചിത്രത്തിൽ സലോനി മിശ്ര,ഹര്ഷിത കൗര്,പ്രശാന്തി,ഉട്ടേജ്,തരുണ് ഭാസകര് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. വിവേക് സാഗര് ആണ് ചിത്രത്തിന് സംഗീതം ഒരുക്കിയിരിക്കുന്നത്.
അതേസമയം കോലാപൂര് ഡയറീസ് എന്ന പേരിൽ അങ്കമാലി ഡയറീസിൻ്റെ മറാത്തി പതിപ്പും ഒരുങ്ങുന്നുണ്ട്. നാലുഭാഷകളിലായി ചിത്രത്തിൻ്റെ റീമേക്ക് അവകാശം നേരത്തേ വിറ്റുപോയിരുന്നു.
അങ്കമാലി ഡയറീസിൽ പന്നിക്കച്ചവടമായിരുന്നു കഥയുടെ പശ്ചാത്തലമായി വന്നത് എങ്കിൽ തെലുങ്ക് പതിപ്പിൽ ആട് കച്ചവടമാണ്. ചിത്രത്തിൽ സലോനി മിശ്ര,ഹര്ഷിത കൗര്,പ്രശാന്തി,ഉട്ടേജ്,തരുണ് ഭാസകര് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. വിവേക് സാഗര് ആണ് ചിത്രത്തിന് സംഗീതം ഒരുക്കിയിരിക്കുന്നത്.
അതേസമയം കോലാപൂര് ഡയറീസ് എന്ന പേരിൽ അങ്കമാലി ഡയറീസിൻ്റെ മറാത്തി പതിപ്പും ഒരുങ്ങുന്നുണ്ട്. നാലുഭാഷകളിലായി ചിത്രത്തിൻ്റെ റീമേക്ക് അവകാശം നേരത്തേ വിറ്റുപോയിരുന്നു.