എന്റെ കുടുംബത്തെ തൊട്ടപ്പോൾ നൊന്തു: പെങ്ങളെ വലിച്ചിട്ടത് സഹിക്കാനായില്ല: ഏട്ടൻ എന്റെ ബിഗ് ബ്രദർ ആണ്; പെപ്പെ!

മൂന്നുവർഷം മുൻപ് ഇത് ചർച്ച ചെയ്തു കോമ്പ്രമൈസ് ചെയ്തു പിരിഞ്ഞ കാര്യമാണ്. ആദ്യം മിണ്ടണ്ട എന്ന് കരുതിയതാണ് പക്ഷെ കുടുംബത്തിനെ ബാധിച്ചു.

പുള്ളിയുടെ പടം അടിപൊളിയാണ്. എനിക്ക് വേണ്ടപ്പെട്ട കുറെ ആളുകൾ അതിൽ ഉണ്ട്. പുള്ളിക്ക് വിജയം വന്നപ്പോൾ എന്നെ കുറിച്ചായിരുന്നോ പറയേണ്ടത്. അതിന്റെ വിജയം ആഘോഷിക്കുകയല്ലേ വേണ്ടത്. ഇങ്ങനെ ഒരു കള്ളൻ, മനുഷ്യത്വം ഇല്ലാത്ത ആളാണ് എന്ന് എന്നെ കുറിച്ച് ആളുകൾ ചിന്തിക്കില്ലേ. പുളളിക്ക് വിജയം ഉണ്ടായപ്പോൾ എന്നെ എന്തിനാണ് വ്യക്തിഹത്യ ചെയ്യുന്നത്. ഇൻസ്റ്റയിൽ ഫുൾ തെറിവിളിയാണ് കിട്ടുന്നത്. ഞാൻ ഒരുപാട് തെറി കേട്ട് വളർന്ന ആളാണ്. എനിക്ക് പുള്ളിയോട് ദേഷ്യമില്ല. വിഷമം മാത്രം- പെപ്പെ പറയുന്നു.

പുള്ളി പറഞ്ഞ സംവിധായന്റെ പടം നിർത്തിവച്ചു എന്ന് പറയുന്നു എന്നാൽ ആ പുള്ളിയെ കൂടിയാണ് ചേട്ടൻ അപമാനിച്ചത് .

ഞാൻ ആദ്യം ഫാൻ ആയിരുന്നു പുള്ളിയുടെ , പക്ഷെ ഇപ്പോൾ എന്റെ ബിഗ് ബ്രദർ സ്ഥാനത്തു നിൽക്കുന്ന ആളാണ്. ഭയങ്കര വിഷമം ഉള്ള കാര്യമാണ്. എനിക്ക് യോഗ്യത ഇല്ല എന്ന് പറയുന്നു. ഇല്ലായിരിക്കാം പക്ഷെ എന്റെ സ്വപ്നങ്ങളെ ഫോളോ ചെയ്തു വന്നെയാണ് ഞാൻ .

നമ്മുടെ യോഗ്യത തീരുമാനിക്കാൻ പുള്ളിക്ക് ആകുമോ. ആർക്കും ആകില്ല. പുള്ളിയാണോ നമ്മുടെ ഒക്കെ യോഗ്യതാ മീറ്റർ. ഒരു സഹോദരൻ അങ്ങനെ അനിയനോട് ചെയ്യാമോ. ഞങ്ങൾ സ്വന്തം നാട്ടുകാരൻ ആണ്.

പെങ്ങളുടെയും, അപ്പന്റെയും, അമ്മയുടെയും, എന്റയും കഷ്ടപാടുകൊണ്ടാണ് അവളുടെ വിവാഹം നടത്തിയത്. നമ്മൾ കഷ്ടപ്പെട്ടാണ് ജീവിക്കുന്നത് - പെപ്പെ പറയുന്നു.

എന്നെ വിളിച്ചു പറയാമായിരുന്നു.അല്ലാതെ കുടുംബങ്ങളെ വലിച്ചു ഇടേണ്ട ആവശ്യം ഉണ്ടോ. ലിജോ ചേട്ടൻ അവസരം തന്നതുകൊണ്ടാണ് വന്നത്. ജൂഡ് ഏട്ടനും ആരെങ്കിലും ഒരു അവസരം കൊടുത്തിട്ടല്ലേ വന്നത്. പിന്നെ യഥാർത്ഥ വില്ലൻ ഒളിച്ചിരിക്കുന്നു എന്ന് പറയുന്നു, ഞാൻ എന്താണ് പുലി ആണോ.

ജൂഡ് ഏട്ടൻ പറഞ്ഞ കഥ ഞാൻ കേട്ടിരുന്നു. ശരിയാണ്. ചേട്ടന്റെ ഗൈഡൻസ് ഉണ്ടാകും എന്നാണ് കരുതിയത് ആ ആത്മവിശ്വാസം ഉണ്ടല്ലോ എന്ന് കരുതി.

എന്റെ കൺഫ്യൂഷൻസ് ഞാൻ പറഞ്ഞു, പക്ഷെ അവർ ചർച്ച ചെയ്യാൻ അവർക്ക് താത്പര്യം ഉണ്ടായിരുന്നില്ല. അവർ ഭയങ്കരമായി ഷൗട്ട് ചെയ്യുകയാണ് ചെയ്തത്.

എന്റെ പെങ്ങളുടെ കല്യാണം പുള്ളിയുടെ കാശിനാണ് നടത്തിയത് എന്ന് പറഞ്ഞത് വിഷമം ആയി. പുള്ളി നടത്തിയത് വ്യക്തി ഹത്യ ആണ്. പുള്ളി പറയുമ്പോൾ വസ്തുത പരിശോധിക്കണം. കുറ്റവാളി എന്ന് ഒരാൾ പറയുമ്പോൾ നമ്മൾ യാഥാർഥ്യം അറിയാൻ ശ്രമിക്കണം, അതിനുള്ള ക്ഷമ ഉണ്ടാകണം. പുള്ളിയുടെ ഭാഗത്തുനിന്നും ഇങ്ങനെ ഉണ്ടാകും എന്ന് ഞാൻ കരുതിയില്ല. എന്റെ അമ്മ ജൂഡ് ഏട്ടനെതിരെ കേസ് കൊടുത്തിട്ടുണ്ട്. അമ്മയ്ക്ക് വിഷമം ആയില്ലേ, സ്വന്തം മോളെ കുറിച്ച് പറഞ്ഞാൽ- പെപ്പെ മാധ്യമങ്ങളോട് പറയുന്നു.