'എന്നും തിളങ്ങി നിൽക്കാനാകട്ടെ'; അനു സിതാരയ്ക്ക് ആശംസകളുമായി പ്രാചി!

മാമാങ്കത്തിൻ്റെ ഷൂട്ടിങ് ലൊക്കേഷനിൽ വെച്ച് തന്നെ ഇരുവരും അടുത്ത സുഹൃത്തുക്കളായി മാറിയിരുന്നു. ലൊക്കേഷനിൽ നിന്നുള്ള ചിത്രങ്ങളും മറ്റും രണ്ടുപേരും സോഷ്യൽ മീഡിയകളിൽ പങ്കുവെച്ചിരുന്നു. ഒരുപാട് സ്നേഹമുണ്ടെന്നും അതിസുന്ദരിയാണ് അനു സിതാരയെന്നും പ്രാചി തെഹ്ലാൻ കുറിച്ചിരിക്കുന്നു.

Also Read: സുശാന്തിന്‍റെ മരണം; റിയയും മഹേഷ് ഭട്ടും തമ്മിലുള്ള വാട്സാപ്പ് സന്ദേശങ്ങള്‍ പുറത്ത്!

അനു സിതാരയുമൊത്തുള്ള ഒരു ചിത്രം പങ്കുവെച്ചു കൊണ്ടാണ് പ്രാചി തെഹ്ലാൻ പിറന്നാളാശംസകൾ നേർന്നിരിക്കുന്നത്. മാമാങ്കത്തിൻ്റെ പ്രൊമോഷൻ ചടങ്ങിൽ വെച്ച് പകർത്തിയ ചിത്രമാണ് പ്രാചി തെഹ്ലാൻ പങ്കുവെച്ചിരിക്കുന്നത്. ദുബായിൽ വെച്ച് പകർത്തിയ ചിത്രം ആരാധകരും ഏറ്റെടുത്തിരിക്കുകയാണ്.

മാമാങ്കം എന്ന ചിത്രത്തിലൂടെയാണ് പ്രാചി തെഹ്ലാൻ മലയാളത്തിലേക്കെത്തിയത്. മമ്മൂട്ടി നായകനായ ചിത്രത്തിൽ അനു സിതാരയ്ക്ക് പുറമേ ഉണ്ണി മുകുന്ദൻ, കനിഹ, സിദ്ദീഖ്, ഇനിയ, അച്യുതൻ എന്നിവരാണ് ചിത്രത്തിൽ മറ്റു പ്രധാന കഥാപാത്രങ്ങളെ അവതരിപ്പിച്ചത്. എം പദ്മകുമാറാണ് ചിത്രം സംവിധാനം ചെയ്തത്.

Also Read: സുശാന്തും സാറയും പ്രണയത്തിലായിരുന്നു, പിരിഞ്ഞതിന് പിന്നില്‍ ബോളിവുഡ് മാഫിയ; വെളിപ്പെടുത്തലുമായി സുഹൃത്ത്

അടുത്തിടെയാണ് പ്രാചി തെഹ്ലാൻ്റെ വിവാഹം കഴിഞ്ഞത്. വളരെ ലളിതമായ ചടങ്ങുകളോടെ ഡല്‍ഹിയില്‍ വെച്ചായിരുന്നു നടിയുടെ വിവാഹം നടന്നത്. ഡൽഹി സ്വദേശിയും വ്യവസായിയുമായ രോഹിത് സരോഹയാണ് പ്രാചിയുടെ ഭർത്താവ്. എട്ട് വർഷത്തെ പ്രണയമാണ് വിവാഹത്തിലെത്തിയത്.