ഹൈദരാബാദ് യാത്രയിൽ മമ്മൂട്ടിക്കൊപ്പം അനുപമയും

നടി അനുപമ പരമേശ്വരനും മെഗാസ്റ്റാര്‍ മമ്മൂട്ടിയും ഒരുമിച്ചുള്ള ചിത്രം സോഷ്യൽമീഡിയയിൽ വൈറലാവുന്നു. ഹൈദരബാദില്‍ വച്ചാണ് മമ്മൂട്ടിയും അനുപമയും തമ്മിൽ കണ്ടുമുട്ടിയത്. തെലുങ്ക് ചിത്രം യാത്രയുടെ അവസാന ഷെഡ്യൂളിന്‍റെ ഭാഗമായി മമ്മൂട്ടി ഇപ്പോള്‍ ഹൈദരാബാദിലാണ്. പ്രേമത്തിലൂടെ അരങ്ങേറിയ അനുപമ ഇപ്പോള്‍ അധികവും അഭിനയിക്കുന്നതും തെലുങ്ക് ചിത്രങ്ങളിലാണ്.

''ഇതിഹാസത്തോടൊപ്പം ഒരു ബ്രേക്ക്ഫാസ്റ്റ്, വിശ്വസിക്കാനാവുന്നില്ല'' എന്നുപറഞ്ഞാണ് ഇരുവരുമൊന്നിച്ചുള്ള ചിത്രം അനുപമ പങ്കുവച്ചിരിക്കുന്നത്. ഇന്‍സ്റ്റാഗ്രാമിലൂടെയും ഫേസ്‌ബുക്കിലൂടെയും അനുപമ ചിത്രം പങ്കുവച്ചിട്ടുണ്ട്. നിമിഷങ്ങള്‍ക്കകം ഇത് വൈറലായികഴിഞ്ഞു.