കോലിക്ക് അനുഷ്കയുടെ അച്ഛന്‍ നല്‍കിയത് 'സ്പെഷ്യല്‍' സമ്മാനം

മകളുടെ വിവാഹം കഴിഞ്ഞ് രണ്ട്‌ മാസം തികയാറാകുമ്പോള്‍ മരുമകനും ഇന്ത്യന്‍ ക്രിക്കറ്റ് ടീം ക്യാപ്റ്റനുമായ വിരാട്‌ കോലിക്ക് ഒരു സ്പെഷ്യല്‍ സമ്മാനം നല്‍കിയിരിക്കുകയാണ് നടി അനുഷ്‌ക ശർമയുടെ അച്ഛന്‍ അജയ് ​കുമാര്‍ ശർമ.

തേജസ്വിനി ദിവ്യ നായിക് രചിച്ച പ്രണയ കവിതകളുടെ സമാഹാരമാണ് അദ്ദേഹം കോലിക്ക് സമ്മാനമായി നല്‍കിയത്. കോലിയുടെ കവിതാ പ്രേമം അദ്ദേഹം അനുഷ്ക വഴി നേരത്തേ മനസ്സിലാക്കിയിരുന്നു.
വിവാഹത്തിന് അതിഥികളായെത്തിയവരില്‍ ചിലര്‍ കോലിക്ക് സമ്മാനമായി നല്‍കിയത് റൂമിയുടെ കവിതകളായിരുന്നു.

ഡിസംബര്‍ 11 ന് ഇറ്റലിയില്‍ വച്ചാണ് അനുഷ്‌കയും കോലിയും വിവാഹിതരായത്. അടുത്ത കുടുംബാംഗങ്ങളുടെ സാന്നിധ്യത്തിലായിരുന്നു വിവാഹം.