Also Read: മാധ്യമങ്ങൾക്കെതിരെ തിരിഞ്ഞ് വിജയ്: 'ഞങ്ങൾ കാരണമാണ് നിങ്ങൾ അതിജീവിക്കുന്നതെന്ന് മറക്കേണ്ടെ'ന്നും ദേവരക്കൊണ്ട!
പിന്നീട് ലാൽ ജോസ് സംവിധാനം ചെയ്ത ഡയമണ്ട് നെക്ലേസ് എന്ന ഹിറ്റ് ചിത്രത്തിലൂടെ ശ്രദ്ധേയമായ പ്രകടനം കാഴ്ചവെച്ച് പ്രേക്ഷകരുടെ മുഴുവൻ ശ്രദ്ധയും പിടിച്ചു പറ്റുകയും ചെയ്തു. അരുണേട്ടാ സന്തോഷായില്ലേ എന്ന ഹിറ്റ് ഡയലോഗ് ഇന്നും പ്രേക്ഷകരുടെ നിത്യജീവിതത്തിൽ കടന്നുവരാറുണ്ട്. അത്രത്തോളം സ്വാധീനം ചെലുത്തിയിരുന്നു അനുശ്രീയുടെ ആദ്യ സിനിമയിലെ ഈ കുഞ്ഞു ഡയലോഗ്. തൻ്റെ ജീവിതം മാറ്റിമറിച്ച ദിവസത്തിൽ ഓർമ്മത്താളുകളിലൂടെ സഞ്ചരിക്കുകയാണ് അനുശ്രീ. അരുണേട്ടാ സന്തോഷായില്ലേ എന്ന കമൻ്റുമായി ആരാധകരും എത്തിക്കഴിഞ്ഞു.
വാചാലയായി അനുശ്രീ
തൻ്റെ സോഷ്യൽ മീഡിയ പ്ലാറ്റ്ഫോമുകളിലൂടെയാണ് തൻ്റെ ജീവിതം മാറ്റി മറിച്ച ദിവസത്തെ കുറിച്ച് അനുശ്രീ വാചാലയായത്. 'ലാല്‍ സാര്‍, അങ്ങ് ഒരു അവസരം തന്നില്ലായിരുന്നുവെങ്കില്‍ ഞാന്‍ ഇങ്ങനെ ഒന്നും ആകില്ലാരുന്നു' എന്നാണ് അനുശ്രീ കുറിച്ചിരിക്കുന്നത്.
Also Read: രണ്ട് LED ബൾബ് കൂടി കുത്തിക്കേറ്റിക്കൂടേയെന്ന് പൂമ്പാറ്റ; കടമുടക്കമാണെന്ന് ചാക്കോച്ചൻ!
അരുണേട്ടാ...
ഡയമണ്ട് നെക്ലേസ്ൽ ദുബായ്ക്കാരന്റെ ഭാര്യയായെത്തിയ നാടന്‍ പെണ്‍കുട്ടിയുടെ ഓർമ്മ പുതുക്കുകയാണ് അനുശ്രീ ഇപ്പോൾ. ഡയമണ്ട് നെക്ക്‌ലേസ് റിലീസായി എട്ടു വര്‍ഷം പൂര്‍ത്തിയാകുന്ന ദിവസമാണ് അനുശ്രീ ഹൃദയത്തിൽ നിന്നും ഒരു ഓർമ്മ പങ്കുവെച്ചിരിക്കുന്നത്.
Also Read: ആൺ വേഷത്തിലെത്തി ഞെട്ടിച്ച നടിമാർ ഇവരാണ് !
ഡയമണ്ട് നെക്ലേസ്
ഡയമണ്ട് നെക്ലേസ് എന്ന ചിത്രത്തെക്കുറിച്ചും സിനിമയിലെ തന്റെ രംഗപ്രവേശത്തെക്കുറിച്ചുമൊക്കെ കുറിച്ചിരിക്കുകയാണ് അനുശ്രീ ഇപ്പോൾ. തന്നെ മലയാളികള്‍ക്കുമുന്നില്‍ അവതരിപ്പിച്ചതിന് ലാല്‍ജോസിനോട് നന്ദിയും അനുശ്രീ പറയുന്നുണ്ട്.
Also Read: ഗ്രൂപ്പ് ചാറ്റിനിടെ മോശമായ സംസാരം; നടനെതിരെ നിയമ നടപടിയുമായി നീങ്ങാൻ നടി രഞ്ജിനി!
വൻ താരനിര
ഫഹദ് ഫാസില്‍, സംവൃത സുനില്‍, ഗൗതമി നായര്‍ എന്നിവരായിരുന്നു ചിത്രത്തിലെ മറ്റു പ്രധാന കഥാപാത്രങ്ങളായി എത്തിയത്. 2012 മെയ് നാലിന് റിലീസായ ഡയമണ്ട് നെക്ക്‌ലേസിന് വേണ്ടി തിരക്കഥ ഒരുക്കിയത് ഇഖ്ബാല്‍ കുറ്റിപ്പുറമായിരുന്നു.
സന്തോഷായില്ലേ
അനുശ്രീയുടെ ഇൻസ്റ്റാഗ്രാം പോസ്റ്റിന് താഴെ ആരാധകർ അരുണേട്ടാ സന്തോഷായില്ലേ എന്ന കമൻ്റുമായി എത്തിയിട്ടുണ്ട്. സൂപ്പർ ഫിലിമാണെന്നും. അവസാന സീനിനെ വർണിക്കാൻ വാക്കുകൾ ഇല്ലെന്നും ഒരു ആരാധിക കുറിച്ചിരിക്കുന്നു. സ്നേഹം എന്താണെന്നു പറയാതെ പറഞ്ഞു തന്നുവെന്നും ആ നെക്ലേസ് വലിച്ചെറിയുന്നത്, ഒരു ചെറിയ വാചകത്തിലൂടെ ഒരുപാട് അർത്ഥങ്ങൾ കാട്ടി തന്നുവെന്നും ചേച്ചി ഇനി എത്രയൊക്കെ സിനിമയിൽ അഭിനയിച്ചാലും അരുണേട്ടാ എന്ന വിളി മായ്ക്കാൻ കഴിയില്ലെന്നും ആരാധിക കുറിച്ചിരിക്കുന്നു