'കേരളാ...കേരളാ...ഡോണ്ട് വറി കേരള'... പാടി റഹ്മാൻ

കൊച്ചി: പ്രളയക്കെടുതിയില്‍ നിന്ന് കരകയറിക്കൊണ്ടിരിക്കുന്ന കേരളത്തിന് ഐക്യദാർഡ്യവുമായി സംഗീതജ്ഞൻ എ ആർ റഹ‌്മാൻ. സാൻഫ്രാൻസിസ‌്കോയിൽ സംഗീതിപരിപാടി അവതരിപ്പിക്കവേ റഹ‌്മാൻ കേരളത്തിനുവേണ്ടി പാടുകയായിരുന്നു. തന്റെ പ്രശസ‌്തമായ ‘മുസ‌്തഫാ മുസ‌്തഫാ’ എന്ന ഗാനത്തിന്റെ വരികളാണ‌് കേരളത്തിനുവേണ്ടി അദ്ദേഹം മാറ്റിപ്പാടാനിടയായത്.

‘കേരള കേരള ഡോണ്ട‌് വറി കേരള’ എന്ന‌് റഹ‌്മാൻ പാടിയപ്പോൾ സദസ്സ‌് കരഘോഷത്തോടെ സ്വീകരിക്കുന്നത് വീഡിയോയിൽ കാണാം. ഗാനത്തിന്റെ ദൃശ്യം ആരാധകർ സോഷ്യൽ മീഡിയയിൽ പോസ‌്റ്റ‌്ചെയ‌്തതോടെയാണ് വൈറലായത്. ‘കേരളം ഞങ്ങളുടെ പ്രാർഥനയിലുണ്ട‌്. ഇതും കടന്നുപോകും. ശക്തരായിരിക്കൂ’ എന്ന് ആഗസ്റ്റ് 17ന് ട്വീറ്റ് ചെയ്തിരുന്നു.