സംഗീത മാന്ത്രികൻ വീണ്ടും മലയാളത്തിലേക്ക്

മാസ്മരിക സംഗീതത്തിന്‍റെ മാന്ത്രികൻ എആര്‍ റഹ്മാന്‍ വീണ്ടും മലയാള പിന്നണിലേക്ക് എത്തുന്നു. ബെന്യാമിൻ എഴുതിയ ആടുജീവിതത്തെ അടിസ്ഥാനമാക്കി ബ്ലെസി ഒരുക്കുന്ന പുതിയ ചിത്രത്തിലൂടെയാണ് റഹ്മാന്‍ വീണ്ടും മലയാളത്തിലേക്ക് എത്തുന്നത്. സര്‍വ്വകാല ഹിറ്റായ യോദ്ധ എന്ന സൂപ്പര്‍ഹിറ്റ് ചിത്രത്തിന് സംഗീതമൊരുക്കിയത് എആര്‍ റഹ്മാനായിരുന്നു.

ബ്ലസി ഒരുക്കുന്ന പുതിയ ചിത്രത്തില്‍ പൃഥ്വിരാജാണ് കേന്ദ്ര കഥാപാത്രമായ നജീബിനെ അവതരിപ്പിക്കുന്നത്. ഗള്‍ഫില്‍ അകപ്പെട്ടു പോയ ഒരു മലയാളിയുടെ ജീവിതത്തിന്‍റെ പ്രാധാന്യമുള്ള സംഭവങ്ങളടങ്ങുന്ന ഒരു ഏടാണ് നോവൽ. അടുത്തമാസമാണ് ചിത്രത്തിന്‍റെ ഷൂട്ടിങ്ങ് തുടങ്ങുക.