ആര്യയ്ക്കും ബാലയ്ക്കുമെതിരെ അറസ്റ്റ് വാറണ്ട്

തെന്നിന്ത്യൻ നടന്‍ ആര്യയ്ക്കും സംവിധായകന്‍ ബാലയ്ക്കും അറസ്റ്റ് വാറണ്ട്. തിരുനെല്‍വേലി ജില്ലാക്കോടതിയുടേതാണ് നടപട്. 2012ല്‍ തീയേറ്ററുകളിലെത്തിയ 'അവന്‍ ഇവന്‍' എന്ന സിനിമയുമായി ബന്ധപ്പെട്ട കേസിലാണ് നടപടി.

ചിത്രത്തില്‍ സിങ്കമ്പട്ടി സമീന്ദാര്‍ തീര്‍ഥപതി രാജയെയും സൊരിമുത്തു അയ്യനാര്‍ കോവിലിനേയും മോശമായിട്ടാണ് ചിത്രീകരിച്ചതെന്നു കാട്ടി തീര്‍ത്ഥപതി രാജയുടെ മകന്‍ ശങ്കര്‍ ആത്മജന്‍ അമ്ബായി പോലീസില്‍ പരാതി സമര്‍പ്പിച്ചിരുന്നു.

തുടര്‍ന്ന് കേസുമായി ബന്ധപ്പെട്ട് കോടതിയിൽ ഹാജരാകാൻ ആവശ്യപ്പെട്ടപ്പോൾ ആര്യയും ബാലയും തുടര്‍ച്ചയായി വിസമ്മതിച്ചിരുന്നു. തുടര്‍ന്നാണ് അറസ്റ്റ് വാറണ്ട് പുറപ്പെടുിച്ചിരിക്കുന്നത്.