ഒരു മലബാർ പ്രണയം
കോഴിക്കോട് പ്രോവിഡന്‍സ് കോളേജിലെ ഒന്നാം വര്‍ഷ ബി ബി എ വിദ്യാര്‍ഥിയായിരിക്കെയാണ് കണ്ണൂര്‍ സ്വദേശിയായ സമയെ ആസിഫ് വിവാഹം ചെയ്തത്. സിനിമയിൽ വന്നശേഷം നടത്തിയ ചില അഭിമുഖങ്ങളിൽ മലബാറിലെ പെണ്‍കുട്ടികളോട് തനിക്ക് പ്രണയമുണ്ടെന്നും വിവാഹം കഴിക്കുന്നെങ്കില്‍ അതൊരു മലബാറുകാരിയെ ആയിരിക്കുമെന്നും ആസിഫ് പറഞ്ഞിട്ടുമുണ്ടായിരുന്നു.
മലയാളത്തിന്‍റെ 'ഋതു' വസന്തം
2009ല്‍ ശ്യാമപ്രസാദ് സംവിധാനം ചെയ്ത ഋതു എന്ന ചിത്രത്തിലൂടെയാണ് ആസിഫ് അലി സിനിമാരംഗത്ത് എത്തിയത്. ശേഷം അപൂര്‍വ്വരാഗങ്ങള്‍, ട്രാഫിക്, സാള്‍ട്ട് ആന്‍ഡ് പെപ്പര്‍, സെവന്‍സ്, അസുരവിത്ത്, ബാച്ചിലര്‍ പാര്‍ട്ടി, ഓര്‍ഡിനറി, ഉന്നം, അനുരാഗ കരിക്കിൻവെള്ളം, ഹണീബീ, ബിടെക്, മന്ദാരം, വിജയ് സൂപ്പറും പൗര്‍ണ്ണമയും, ഉയരെ, വൈറസ്, കക്ഷി അമ്മിണിപ്പിള്ള, കെട്ട്യോളാണ് എന്‍റെ മാലാഖ തുടങ്ങി നിരവധി സിനിമകളിൽ ആസിഫ് അഭിനയിച്ചിട്ടുണ്ട്.
Also Read: 'ആരോഗ്യ പ്രവര്‍ത്തകരുടെ നിര്‍ദ്ദേശം അനുസരിക്കുന്നു': സുരാജ്
പാർട്നർ ഇൻ ക്രൈം
ഹാപ്പി ആനിവേഴ്സറി പാർട്നർ ഇൻ ക്രൈം എന്നു കുറിച്ചുകൊണ്ടാണ് ആസിഫ് വെഡ്ഡിങ് ആനിവേഴ്സറി ചിത്രം പങ്കുവെച്ചിരിക്കുന്നത്. ചിത്രത്തിന് താഴെ, ഗീതു മോഹൻദാസ്, വിനയ് ഫോർട്ട്, ടിറ്റോ വിൽസൺ തുടങ്ങി നിരവധി താരങ്ങളും ആരാധകരും ആശംസകളുമായി എത്തിയിട്ടുണ്ട്.
ആദവും ഹയയും
ആദം, ഹയ എന്നിവരാണ് ആസിഫ്-സമ ദമ്പതികളുടെ മക്കള്‍. സോഷ്യൽമീഡിയയിലും മറ്റും ഇവരുടെ ചിത്രങ്ങളും വീഡിയോയുമൊക്കെ ഇടയ്ക്കിടയ്ക്ക് ആസിഫ് പങ്കുവെയ്ക്കാറുണ്ട്. സിനിമയുമായി ബന്ധപ്പെട്ടുള്ള ചടങ്ങുകളിലും ആസിഫ് ഇവരെയും കൂടെകൂട്ടി എത്താറുണ്ട്. അത്തരത്തിൽ വന്നപ്പോഴുള്ള ഇവരുടെ ചിത്രങ്ങളും വൈറലാണ്.
വീഡിയോ ജോക്കിയായ ആസിഫ് നടനായി
ബിരുദത്തിനു പഠിച്ചുകൊണ്ടിരിക്കുന്ന സമയങ്ങളിൽ പരസ്യങ്ങളിൽ മോഡലായും വീഡിയോ ജോക്കിയായുമൊക്കെ ആസിഫ് ജോലി ചെയ്തിരുന്നു. ഇതിനിടയിൽ ചില ആൽബങ്ങളിൽ അഭിനയിച്ചു, അതിനുശേഷമാണ് ഋതുവിലെ 'സണ്ണി ഇമട്ടി' എന്ന കഥാപാത്രമായി തിരഞ്ഞെടുക്കപ്പെട്ടത്. കുഞ്ഞെൽദോ, രാച്ചിയമ്മ, കുറ്റവും ശിക്ഷയും, എല്ലാം ശരിയാകും, പറന്ന് പറന്ന്, തട്ടും വെള്ളാട്ടം തുടങ്ങി നിരവധി സിനിമകളാണ് ഈ വർഷം ആസിഫ് അഭിനയിക്കുന്നത്.