അപ‍ര്‍ണയെ രൂക്ഷമായി വിമര്‍ശിച്ചവ‍ര്‍ക്ക് ഉശിരൻ മറുപടിയുമായി അസ്ക്കര്‍ അലി

സൈബർ അക്രമണത്തിന് ഇരയായ നടിയും ഗായികയുമായ അപർണ ബാലമുരളിയുടെ വിമര്‍ശകര്‍ക്ക് ഉശിരൻ മറുപടിയുമായി നടനും ആസിഫ അലിയുടെ സഹോദരനുമായ അസ്ക്കര്‍ അലി രംഗത്ത്. അസ്‌കറും അപർണയും പ്രധാനവേഷങ്ങളിലഭിനയിച്ച 'കാമുകി'യുടെ പ്രൊമോഷന്‍റെ ഭാഗമായി ഫേസ്ബുക്ക് ലൈവിൽ വന്നപ്പോഴാണ് അപർണ മോശം കമന്‍റുകൾ നേരിടേണ്ടി വന്നത്. വിമര്‍ശന പരമായ കമന്‍റുകളുടെ അതിപ്രസരമുണ്ടായപ്പോഴാണ് ഉശിരൻ മറുപടിയുമായി അസ്‌ക്കർ അലി വീണ്ടും ലൈവിൽ എത്തിയത്.

മലയാളികൾക്കുള്ള നല്ല സംസ്‌കാരം കളഞ്ഞു കുളിക്കുന്ന രീതിയിലുള്ള കമന്‍റുകൾ വന്നാൽ ഇപ്പോഴത്തെ മലയാളി ആൺകുട്ടികൾക്ക് നല്ല ദേഷ്യം വരും. അതുകൊണ്ടാണ് ഞാൻ ഇപ്പോൾ വീണ്ടും ലൈവിൽ വന്നിരിക്കുന്നതെന്നും പറഞ്ഞുകൊണ്ടാണ് അസ്കര്‍ രംഗത്തെത്തിയത്.


നിനക്കൊന്നും വേറെ പണിയൊന്നും ഇല്ലേടീ, നിനക്കൊക്കെ അഭിനയിക്കാൻ അറിയാമോടീ... എന്ന രീതിയിലൊക്കെയാണ് ഒരുത്തൻ കമന്‍റ് ചെയ്തിരിക്കുന്നത്. ഇതിന് മറുപടയായി നാം ഒരിക്കലും പെൺകുട്ടികളെ അധിക്ഷേപിക്കരുതെന്നും അറിയാത ഒരു പെണ്ണിനെ കേറി ഡീ എന്ന് വിളിക്കരുതെന്നും അസ്ക്കര്‍ ഓര്‍മ്മിപ്പിച്ചു.

ഇങ്ങനെയുണ്ടാകാറുള്ള സംഭവങ്ങൾക്ക് ഇങഅങനെ മറുപടി നൽകുന്നതിന് പകരം ഇപ്പോഴത്തെ ആൺപിള്ളാര് രണ്ടെണ്ണം പൊട്ടിക്കാറാണ് പതിവ്. നിനക്ക് അഭിനയിക്കാൻ അറിയാമോടി ശവമേ എന്ന കമന്‍റിട്ടവന് അതേ നാണയത്തിൽ തന്നെയുള്ള ഉശിരൻ മറുപടിയാണ് അസ്‌കർ നൽകിയത്.