'കണ്ണ് നിറച്ച് കാത് നിറച്ച് ഉള്ളു നനച്ച് സൂഫിയും സുജാതയും'; പ്രണയാർദ്രമായി അശ്വതി ശ്രീകാന്തിൻ്റെ കുറിപ്പ്!

മലയാള സിനിമയില്‍ പുതുചരിത്രം കുറിച്ചു കൊണ്ടാണ് സൂഫിയും സുജാതയും റിലീസ് ചെയ്തത്. ഒടിടി പ്ലാറ്റ്ഫോമിലൂടെ റിലീസ് ചെയ്യുന്ന ആദ്യത്തെ മലയാള സിനിമ സുഫിയും സുജാതയുമാണ്. ഫ്രെെഡെ ഫിലിംസിന്റെ ബാനറില്‍ വിജയ് ബാബു നിര്‍മ്മിച്ച് ഷാനവാസ് നാരണപ്പുഴയാണ് ചിത്രം സംവിധാനം ചെയ്തിരിക്കുന്നത്. ചിത്രം സമ്മിശ്ര പ്രതികരണങ്ങൾ നേടി മുന്നേറുകയാണ്. നിരവധി താരങ്ങളാണ് സിനിമയെ പ്രകീർത്തിച്ച് രംഗത്തെത്തിയിട്ടുള്ളത്. ഒടുവിലിതാ അവതാരകയും എഴുത്തുകാരിയും നടിയുമായ അശ്വതി ശ്രീകാന്തും ചിത്രത്തെ പ്രകീർത്തിച്ച് രംഗത്തെത്തിയിരിക്കുകയാണ്.

Also Read: ഒരുപാട് നാളത്തെ അലച്ചിലും കഷ്ടപ്പാടുകളും, ഒടുവില്‍ അവസരം തന്നത് ദിലീപ് ജോണി ആന്റണി!

നഷ്ടപ്രണയമെന്നൊന്ന് ഉണ്ടോ? ഉള്ളിലുള്ളിടത്തോളം ഓരോ പ്രണയവും അത്രമേൽ പൂർണമല്ലേ ! എന്ന് അശ്വതി ശ്രീകാന്ത് ഫേസ്ബുക്കിൽ പങ്കുവെച്ച കുറിപ്പിലൂടെ ചോദിക്കുന്നു. മീസാൻ കല്ലുകളിൽക്കിടയിലെ മൈലാഞ്ചിക്കാട്ടിൽ ഞാനും കാറ്റു പോലെ ഒഴുകി നടപ്പാണ് ഇപ്പോൾ, കായ്ക്കാതെ കായ്ച്ച ഞാവൽ മരം വാക്കില്ലാത്തൊരുവളുടെ വാക്കാവുന്നതും കാത്ത്...! അശ്വതി സൂഫിയും സുജാതയും കണ്ട ശേഷം കുറിച്ചതിങ്ങനെ. കണ്ണ് നിറച്ച് കാത് നിറച്ച് ഉള്ളു നനച്ച് സൂഫിയും സുജാതയും. ഏറെ ഇഷ്ടമായി എന്ന തരത്തിൽ തന്നെയാണ് അശ്വതിയുടെ വാക്കുകളും.

Also Read: 'ആളൽപം വശപ്പെശകാണോ?' പുത്തൻ ലുക്കിലുള്ള ചിത്രം പങ്കിട്ട് അജു വർഗ്ഗീസ്; ഡോ; ഈപ്പനെ കാണാനായതിൽ സന്തോഷമെന്ന് അഹാന!

പ്രണയകഥയാണ് സൂഫിയും സുജാതയും. പേര് സൂചിപ്പിക്കുന്നത് പോലെ തന്നെ സൂഫിയും സുജാതയും തമ്മിലുള്ള അനശ്വര പ്രണയത്തിൻ്റെ കഥ. ജയസൂര്യ, അതിഥി റാവു, ദേവ് മോഹന്‍, സിദ്ദീഖ് തുടങ്ങിയവരാണ് ചിത്രത്തിലെ പ്രധാന വേഷങ്ങളെ അവതരിപ്പിച്ചിരിക്കുന്നത്. കരി എന്ന സിനിമയൊരുക്കി നിരവധി അംഗീകാരങ്ങള്‍ നേടിയിട്ടുള്ള സംവിധായകനാണ് സൂഫിയും സുജാതയും ഒരുക്കിയ നരണിപ്പുഴ ഷാനവാസ്. സൂഫിയുടെയും സുജാതയുടെയും പ്രണയത്തിന്‍റെയും വിരഹത്തിന്‍റെയും കഥയാണ് ചിത്രം. സൂഫിയായി ദേവ് മോഹനും സുജാതയായി അതിഥി റാവുവും എത്തുന്നു. സുജാതയുടെ ഭര്‍ത്താവ് രാജീവനായി ജയസൂര്യയാണ് ചിത്രത്തിൽ വേഷമിടുന്നത്.