'ഞങ്ങൾ എന്നും നല്ല രക്ഷിതാക്കളായിരിക്കും'; വിവാഹ മോചിതനായ വിഷ്ണു വിശാൽ പറയുന്നു

തമിഴ് നടൻ വിഷ്ണു വിശാൻ വിവാഹമോചിതനായി. താരം തന്നെയാണ് ഈ വാര്‍ത്ത ആരാധകരെ അറിയിച്ചത്. തൻ്റെ ഫേസ്ബുക്കിലൂടെയാണ് താൻ വിവാഹ മോചിതനായ വിവരം ആരാധകരുമായി പങ്കുവെച്ചത്. വിവാഹ വിഷ്ണു വിശാൽ നായകനായി ശ്രദ്ധേയ പ്രകടനം കാഴ്ച വെച്ച രാക്ഷസൻ എന്ന ചിത്രം മികച്ച അഭിപ്രായങ്ങൾ നേടി തീയേറ്ററിൽ മുന്നേറവേയാണ് താരത്തിൻ്റെ വിവാഹ മോചന വാര്‍ത്ത പുറത്തുവരുന്നത്.

തങ്ങള്‍ ഇരുവരും ഒരു വര്‍ഷത്തോളമായി വേര്‍പിരിഞ്ഞു കഴിയുകയായിരുന്നുവെന്ന് വിഷ്ണു ഫേസ്ബുക്ക് കുറിപ്പിലൂടെ വ്യക്തമാക്കി. എങ്കിലും മകൻ്റെ രക്ഷിതാക്കളായി ഇരുവരും തുടരുമെന്നും വിഷ്ണു കുറിപ്പിലൂടെ വ്യക്തമാക്കി.



വിഷ്ണുവിൻ്റെ ഫേസ്ബുക്ക് കുറിപ്പിൻ്റെ പൂര്‍ണ രൂപം കാണാം

'പ്രിയപ്പെട്ട സുഹൃത്തുക്കളെ അഭ്യുദയകാംക്ഷികളെ,

'ഞാനും രജിനിയും ഒരുവര്‍ഷമായി പിരിഞ്ഞു താമസിക്കുകയാണ്. ഇപ്പോള്‍ ഞങ്ങള്‍ നിയമപരമായി വിവാഹമോചിതരായി. ഇക്കാര്യം നിങ്ങളെ അറിയിക്കണമെന്നുണ്ട്. ഞങ്ങളുടെ മകന് എപ്പോഴും രക്ഷിതാക്കള്‍ തന്നെയായിരിക്കും ഞങ്ങൾ. അവന് നല്ലത് മാത്രം നല്‍കുക എന്നതിനാകും ഞങ്ങൾ ആദ്യം പരിഗണന നൽകുക.

മനോഹരമായ കുറേ വര്‍ഷങ്ങള്‍ ഞങ്ങള്‍ ഒരുമിച്ച് ചെലവഴിച്ചു. ഇനിയും നല്ല സുഹൃത്തുക്കളായി പരസ്പരം ബഹുമാനിച്ച് തുടരും. ഞങ്ങളുടെ കുഞ്ഞിനേയും കുടുംബത്തെയും കരുതി ഞങ്ങളുടെ സ്വകാര്യതയെ മാനിക്കണമെന്നാണ് അഭ്യര്‍ഥിക്കാനുള്ളത്'