‘അയ്യപ്പനും കോശിയും’ എന്ന ചിത്രത്തിലൂടെ എത്തിയ ആദിവാസി കലാകാരിയായ ആ നഞ്ചമ്മയിതാ മലയാളികൾക്കിടയിലേക്ക് പുതിയ സംരംഭവുമായി എത്തിയിരിക്കുകയാണ്. സിനിമയ്ക്കായി നഞ്ചമ്മ ആലപിച്ച 'കലക്കാത്ത' എന്ന് തുടങ്ങുന്ന ടൈറ്റിൽ ഗാനം ആരാധകർ ഇരുകൈയ്യും നീട്ടിയാണ് സ്വീകരിച്ചത്. നഞ്ചമ്മയുടെ പുതിയ കാൽവെയ്പ്പിന് ആശംസകൾ നേർന്ന് രംഗത്തെത്തിയിരിക്കുകയാണ് ആരാധകരും.
സ്വന്തം ചാനൽ
ലോക്ക്ഡൗൺ കാലത്ത് സ്വന്തം യൂട്യൂബ് ചാനലുമായി രംഗത്തെത്തിയിരിക്കുകയാണ് അട്ടപ്പാടിയിലെ ഈ കലാകാരി. കഴിഞ്ഞ ദിവസമാണ് നഞ്ചമ്മയുടെ യൂട്യൂബ് ചാനൽ ഔദ്യോദികമായി അനാവരണം ചെയ്തത്.
അട്ടപ്പാടിയുടെ പാട്ടുകൾ
അട്ടപ്പാടിയുടെ പാട്ടുകളും ഒപ്പം തനത് കൃഷി രീതികളും ജീവിതാനുഭവങ്ങളും പാചക രീതികളും തനതു വൈദ്യവുമൊക്കെ ചാനലിലൂടെ നഞ്ചമ്മ പങ്കുവയ്ക്കും. നടി അനു സിതാരയും കഴിഞ്ഞദിവസം യൂട്യൂബ് ചാനൽ ആരംഭിച്ചിരുന്നു.
നഞ്ചമ്മ
അയ്യപ്പനും കേശിയും എന്ന ചിത്രം തീയേറ്ററുകളിൽ എത്തുന്നതിന് മുൻപ് തന്നെ നഞ്ചമ്മയുടെ ടൈറ്റിൽ ഗാനം ശ്രദ്ധിക്കപ്പെട്ടിരുന്നു. ഒപ്പം ഗായികയായ നഞ്ചമ്മയും.
വരികളും നഞ്ചമ്മ സ്പെഷ്യൽ
ഈ ഗാനം എഴുതിയിട്ടുള്ളതും നഞ്ചമ്മ തന്നെയാണ്. ഗാനത്തിന് ഈണം പകർന്നിരിക്കുന്നത് ജേക്സ് ബിജോയ് ആണ്. അട്ടപ്പാടിയിലെ കലാസംഘത്തിലെ അംഗം കൂടിയാണ് നഞ്ചമ്മ. ചിത്രത്തിൽ എക്‌സൈസ് ഇൻസ്‌പെക്ടറുടെ വേഷം ചെയ്ത അട്ടപ്പാടി സ്വദേശി തന്നെയായ പഴനി സ്വാമിയാണ് ഈ കലാസംഘത്തിന് നേതൃത്വം നൽകുന്നത്.