ബാഹുബലി സാംസ്‍കാരികമായി നശിപ്പിക്കും: അടൂര്‍ ഗോപാലക‍ൃഷ്‍ണന്‍

കൊച്ചി: ബാഹുബലി പോലുള്ള സിനിമകള്‍ എടുത്താല്‍ സാംസ്‍കാരികമായി നശിക്കുമെന്ന് പ്രശസ്‍ത സംവിധായകന്‍ അടൂര്‍ ഗോപാലക‍‍ൃഷ്‍ണന്‍. മലയാള മനോരമയുടെ ന്യൂസ് കോണ്‍ക്ലേവില്‍ സംസാരിക്കുമ്പോളാണ് അദ്ദേഹം ഇങ്ങനെ അഭിപ്രായപ്പെട്ടത്.

പത്ത് രൂപ പോലും ബാഹുബലി പോലുള്ള സിനിമകള്‍ക്കായി ചിലവഴിക്കില്ല. 200 തീയറ്റര്‍ ഉണ്ടെങ്കില്‍ 199ലും ഒരേ സിനിമ ആയിരിക്കും. അത് കാണാന്‍ ജനങ്ങള്‍ നിര്‍ബന്ധിതരാവുകയാണ്. സമൂഹം അതിന്‍റെ ഇരകളായി മാറുകയാണെന്നും അടൂര്‍ പറഞ്ഞു.

ബിഗ് ബജറ്റ് സിനിമകളെയും അടൂര്‍ വിമര്‍ശിച്ചു. പണത്തിന്‍റെ പകിട്ട് കാണിക്കാനാണ് ബജറ്റ് ഉയര്‍ത്തിക്കാണിക്കുന്നത്. എന്നാല്‍ കുറഞ്ഞ ബജറ്റില്‍ സിനിമ ചെയ്യാന്‍ താല്‍പര്യമുള്ള കഴിവുള്ള സംവിധായകര്‍ക്ക് അതിന് സാധിക്കാത്ത അവസ്ഥയാണുള്ളതെന്നും അദ്ദേഹം കൂട്ടിച്ചേര്‍ത്തു.

Baahubali will ruin culture: Adoor Gopalakrishnan

Noted director Adoor Gopalakrishnan said that films like Baahubali will ruin the culture.