നടപടി സമാനമനസ്‌കർക്കുള്ള പാഠമെന്ന് കോടതി

കൊച്ചി: നടൻ ദിലീപിന് ജാമ്യം നിഷേധിച്ച നടപടി സമാനമനസ്‌കർക്കുള്ള മുന്നറിയിപ്പെന്ന് അങ്കമാലി മജിസ്‌ട്രേറ്റ് കോടതി. ഇത്തരം കുറ്റകൃത്യങ്ങൾ നിസാരമല്ലെന്നും ദിലീപിന് എതിരേയുള്ളത് ഗുരുതരമായ കുറ്റാരോപണങ്ങളാണെന്നും പുറത്തുവന്ന വിധിയുടെ വിശദാംശങ്ങളിൽ പരാമർശിക്കുന്നു.

ഇപ്പോൾ ദിലീപ് പുറത്തു പോകുന്നത് വാദിയായ നടിക്ക് ദോഷമാണെന്നും തെളിവ് നശിപ്പിക്കപ്പെടുമെന്നും അങ്കമാലി ഒന്നാം ക്ലാസ് ജുഡീഷ്യൽ മജിസ്‌ട്രേറ്റ് ഉത്തരവിൽ വ്യക്തമാക്കുന്നു. പ്രതിയെന്ന് ആരോപിക്കപ്പെട്ടിട്ടുള്ള ദിലീപ് വലിയ സ്വാധീനമുള്ള വ്യക്തിയായത് കൊണ്ട് സാക്ഷികളെ സ്വാധീനിക്കാനും ഇടയുണ്ടെന്ന് കോടതി നിരീക്ഷിക്കുന്നു.

അതിനിടെ മുഖ്യപ്രതി സുനികുമാർ നടിയുടെ ദൃശ്യങ്ങൾ പകർത്തിയതെന്ന് വിശ്വസിക്കുന്ന മെമ്മറി കാർഡ് അഡ്വ.പ്രതീഷ് ചാക്കോയുടെ ജൂനിയറിൽ നിന്ന് പൊലീസിന് ലഭിച്ചു. മെമ്മറി കാർഡ് ഉടൻ ശാസ്ത്രീയ പരിശോധനക്ക് വിധേയമാക്കും. പോലീസ് കസ്റ്റഡിയിൽ കഴിയുമ്പോൾ തന്നെ സാമൂഹ്യമാധ്യമങ്ങളിലൂടെ തനിക്ക് അനുകൂലമായി ദിലീപ് പിആർ ഏജൻസികൾ വഴി സഹതാപ തരംഗമുണ്ടാക്കാൻ ശ്രമിച്ചത് വലിയ തിരിച്ചടിയായി.

bail denied: lesson to like mided, says court

Bail denied for dileep is a lesson for likeminded people warns Ankamali mgistrate court