ബാലയുടെ രണ്ടാം വിവാഹം
ഗായിക അമൃത സുരേഷുമായുള്ള വിവാഹ മോചനത്തിന് ശേഷം പോസിറ്റീവ് ഡയലോഗുമായി എത്തുന്ന ബാലയുടെ വീഡിയോകളും വിശേഷങ്ങളും വളരെ പെട്ടന്ന് ശ്രദ്ധ നേടാറുണ്ടായിരുന്നു. അതിനിടയിലാണ് ബാല തന്റെ രണ്ടാം വിവാഹത്തെ കുറിച്ചുള്ള കാര്യങ്ങള്‍ പങ്കുവച്ചത്. എലിസബത്ത് ഡോക്ടറാണ്. സോഷ്യല്‍ മീഡിയയിലൂടെയുള്ള പരിചയം പ്രണയത്തിലെത്തുകയായിരുന്നു.
സോഷ്യല്‍ മീഡിയയില്‍ സജീവം
വിവാഹ ശേഷം എലിസബത്തിനൊപ്പമുള്ള ബാലയുടെ അഭിമുഖങ്ങളും വിശേഷം പറച്ചിലുകളും അല്‍പം കൂടി. സോഷ്യല്‍ മീഡിയയില്‍ നിരന്തരം വീഡിയോകളും ഫോട്ടോകളും പങ്കുവച്ചു. അതിനിടയില്‍ ഒരു ചാനല്‍ ചര്‍ച്ചയ്ക്ക് ഇടെ അനാവശ്യമായി ഭാര്യ എലിസബത്തിനെയും വിളിച്ചിരുന്നതിയത് ട്രോളുകള്‍ക്ക് വഴിവച്ചിരുന്നു.
പെട്ടന്ന് അപ്രത്യക്ഷമായപ്പോള്‍
എന്നാല്‍ കുറച്ച് കാലം ബാല സോഷ്യല്‍ മീഡിയയില്‍ നിന്നും വിട്ടു നിന്നു. ഭാര്യയ്‌ക്കൊപ്പമുള്ള വീഡിയോകളും കുറഞ്ഞു. അതോടെ നടന്റെ രണ്ടാം വിവാഹവും വേര്‍പിരിയലില്‍ അവസാനിച്ചു, ബന്ധം വേര്‍പിരിഞ്ഞു എന്ന തരത്തിലുള്ള ഗോസിപ്പുകള്‍ വന്നു. ഗോസിപ്പുകളോടൊന്നും ബാല പ്രതികരിക്കാതായതോടെ ഗോസിപ്പ് ഉറപ്പിയ്ക്കുകയായിരുന്നു പാപ്പരാസികള്‍.
പുതിയ വീഡിയോ
കിംവദന്തികളുടെ വായടപ്പിയ്ക്കും വിധമാണ് ഇപ്പോള്‍ സോഷ്യല്‍ മീഡിയയില്‍ പ്രചരിയ്ക്കുന്ന ബാലയുടെയും ഭാര്യ എലിസബത്തിന്റെയും പുതിയ വീഡിയോ. എലിസബത്ത് ഗര്‍ഭിണിയാണ്. ഗര്‍ഭകൊതിയില്‍ ഭാര്യയ്ക്ക് കഴിക്കാന്‍ ആഗ്രഹമുള്ളത് എല്ലാം വാങ്ങി കൊടുക്കുന്ന ബാലയുടെ വീഡിയോ ആണ് പ്രചരിയ്ക്കുന്നത്.