ഈ ഓണ്‍ലൈൻ തട്ടിപ്പുവീരനെ സൂക്ഷിക്കണം; ജയസൂര്യ

ഡിജിറ്റൽ ഇന്ത്യയായി മാറുന്ന രാജ്യത്ത് ഇന്ന് ഒട്ടേറെ ഓണ്‍ലൈൻ പണത്തട്ടിപ്പുകളും വ്യാപകമായി നടക്കാറുണ്ട്. സാധാരണക്കാരെന്നോ പ്രമുഖരെന്നോ വ്യത്യാസമില്ലാതെ പലരും ഇത്തരം ഓണ്‍ലൈൻ പണത്തട്ടിപ്പിന് ഇരയാകാറുമുണ്ട്. അത്തരത്തിൽ ഒരു അനുഭവം നടൻ ജയസൂര്യയും നേരിട്ടു. തന്‍രെ ഫേസ്ബുക്കിലൂടെയാണ് ജയസൂര്യ ഇക്കാര്യം അറിയിച്ചത്. ഈ ഓണ്‍ലൈൻ തട്ടിപ്പുകാരനെ എല്ലാവരും സൂക്ഷിക്കണമെന്ന സന്ദേശത്തോടൊപ്പം തട്ടിപ്പുവീരൻ വിളിക്കുന്ന ഫോണ്‍ നമ്പരും താരം പങ്കുവെച്ചിട്ടുണ്ട്. എല്ലാവരും ഈ നമ്പര്‍ സേവ് ചെയ്തിടണമെന്നും താരം നിര്‍ദ്ദേശിക്കുന്നു

ജയസൂര്യയുടെ ഫേസ്ബുക്ക് കുറിപ്പിന്‍റെ പൂര്‍ണ രൂപം കാണാം

ആൻ ഇമ്പോര്‍ട്ടന്‍റ് മെസ്സേജ്... അതേ... ഈ നമ്പറൊന്ന് സേവ് ചെയ്ത് വെച്ചോ (8918419048)
വേറൊന്നുമല്ല ഇന്ന് എന്‍റെ വൈഫിന്‍റെ ഷോപ്പിലേക്ക് ഒരു കോൾ വന്നു. ഫേസ് ബുക്കിന്‍റെ സൈബര്‍സെൽ ഡിപ്പാർട്ടമെന്‍റിൽ നിന്നാണ് നിങ്ങളുടെ പേജ് ആരോ ഹാക്ക്
ചെയ്തിട്ടുണ്ട് ,അതുകൊണ്ട് ഉടനെ പ്രൊട്ടക്ട് ചെയ്യണം എന്നും പറഞ്ഞ് (ട്രൂകോളറിൽ സൈബര്‍ സെൽ സെന്‍റര്‍ എന്നാണ് തെളിഞ്ഞത്) നിങ്ങൾക്കിപ്പോൾ ഗൂഗിൾ വേരിഫിക്കേഷൻ കോഡ് വരും.. ഞങ്ങൾ അയച്ചിട്ടുണ്ട് മാഡം എന്നും പറഞ്ഞു. ഒന്ന് റീ കണ്‍ഫോം ചെയ്യാനാ ആ വേരിഫിക്കേഷൻ കോഡ് ഒന്ന് വായിക്കാമോ മാഡം എന്ന വൻ ഇംഗ്ലീഷിൽ മൊഴിഞ്ഞു. അവൾ കോഡ് പറഞ്ഞതും അയാൾ പറയാണ്. നിങ്ങളുടെ ഫേസ് ബുക്കിന് ഇരുപത്തി അയ്യായിരം രൂപയുടെ പെന്‍റിങ് ഉണ്ട് പെട്ടന്ന് തന്നെ പേടിഎമ്മിൽ നിങ്ങൾ ക്രെഡിറ്റ് ചെയ്യണം എന്ന്. അവൾക്കെന്തോ ഒരു കല്ലുകടി തോന്നി ഫോൺ കട്ട് ചെയ്തു.. പുറകെ അവന്‍റെ മെസ്സേജ് നിങ്ങളുടെ പേജ് ഞാൻ ഹാക്ക് ചെയ്തു.ഈ പണം തന്നില്ലെങ്കിൽ നിങ്ങൾക്ക് ഇനി ഈ അക്കൗണ്ട് യൂസ് ചെയ്യാൻ കഴിയില്ലാന്ന്..
പിന്നീട് അറിഞ്ഞത് ഇവൻ ഒരുപാട് പേരുടെ ഫേസ്ബുക്ക് അക്കൗണ്ട് ഇതുപോലെ ഹാക്ക് ചെയ്തിട്ടുണ്ടന്നാ... ഫേസ് ബുക്കിൽ ജിനു എന്നൊരു സുഹൃത്ത് ഉള്ളത് കൊണ്ട് എല്ലാം ഒക്കെയായി..

എന്തായാലും ഈ ഹാക്കര്‍ മോന്‍റെ നമ്പർ ഒന്ന് സേവ് ചെയ്ത് വെച്ചോ അല്ലെങ്കിൽ അടുത്തത് നിങ്ങടെ നെഞ്ചത്തായിരിക്കും അവന്‍റെ അങ്കം..8918419048 (കൽക്കട്ടയാണെന്നാ അന്വേഷിച്ചപ്പോ അറിഞ്ഞത്)

Be aware of Online Hackers: Actor Jayasurya Facebook post

Actor Jayasurya saying thet Be aware of Online Hackers