നൂറ് വര്‍ഷം പഴക്കമുള്ള പള്ളി സ്വന്തമാക്കി ബിയോണ്‍സ്

കോടികള്‍ വിലയുള്ള ആഡംബര കെട്ടിടങ്ങളൊന്നുമല്ല, നൂറ് വര്‍ഷം പഴക്കമുള്ള ഒരു പള്ളി സ്വന്തമാക്കി ബിയോണ്‍സ്. ന്യൂ ഓര്‍ലീന്‍സില്‍ സ്ഥിതി ചെയ്യുന്ന 7500 ചതുരശ്ര അടിയുള്ള കാംപ് സ്ട്രീറ്റ് പള്ളിയാണ് താരം വാങ്ങിയത്. 85,00,00 യു.എസ് ഡോളറാണ് (ഏകദേശം അമ്പത്തിയേഴ് കോടി രൂപ) ബിയോണ്‍സ് പള്ളിക്കായി ചെലവിട്ടത്.

1900 കളിലാണ് പള്ളി പണി കഴിപ്പിച്ചതെന്ന് പറയപ്പെടുന്നു. കുറേക്കാലങ്ങളായി പള്ളി പൂട്ടിക്കിടപ്പായിരുന്നു.പള്ളിയിലെ അംഗങ്ങള്‍ മരണപ്പെട്ടതോടെ ഇവിടെ ആരാധന ഇല്ലാതായി. ആഴ്ചകള്‍ക്ക് മുന്‍പ് സാന്‍ ഫ്രാന്‍സിസ്‌കോയിലെ ഒരു പള്ളിയില്‍ ആദ്യമായി 'ബിയോണ്‍സ് കുര്‍ബാന' സംഘടിപ്പിച്ചിരുന്നു. ഈ കുര്‍ബാനയില്‍ ആയിരകണക്കിന് ആളുകളാണ് പങ്കെടുത്തത്. ബിയോണ്‍സ് പുതിയൊരു സഭ തുടങ്ങുന്നതിന്റെ ഭാഗമായാണ് ഈ കുര്‍ബാന സംഘടിപ്പിച്ചതെന്ന് അന്ന് അഭ്യൂഹങ്ങള്‍ ഉണ്ടായിരുന്നു