തന്നെ വേദനിപ്പിച്ചാല്‍ തിരിച്ചു കിട്ടുന്നത് അതായിരിക്കും, തുറന്ന് പറഞ്ഞ് നടി ഭാമ

നിവേദ്യം എന്ന ചിത്രത്തിലൂടെ മലയാ സിനിമയിലേക്ക് വന്ന നടിയാണ് ഭാമ. ശാലീന സൗന്ദര്യം കൊണ്ടു തന്നെ ഭാമ വരെ പെട്ടന്ന് മലയാള സിനിമയില്‍ തന്റേതായ ഇടം കണ്ടെത്തി. മലയാളത്തിന് പുറമെ കന്നടയിലും വിജയം നേടിയ നടിയാണ്. വിവാഹത്തോടെ അഭിനയത്തില്‍ നിന്നും അല്പം മാറി നില്‍ക്കുകയാണ് ഭാമ. വിവാഹ ബന്ധം വേര്‍പിരിഞ്ഞു എന്ന വാര്‍ത്തകള്‍ വന്നുവെങ്കിലും അതിന് ഔദ്യോഗിക സ്ഥിരീകരണം ഇല്ല. ഭാമയും ഇതുവരെ വ്യക്തപരമായ കാര്യങ്ങളോട് പ്രതികരിച്ചിട്ടില്ല.

അഭിനയത്തില്‍ നിന്ന് മാറി നില്‍ക്കുകയാണെങ്കിലും സോഷ്യല്‍ മീഡിയയില്‍ വളരെ അധികം സജീവമാണ് നടി. തന്റെയും മകളുടെയും ചിത്രങ്ങളെല്ലാം നിരന്തരം പങ്കുവയ്ക്കാറുണ്ട്. ഇപ്പോള്‍ കഴിഞ്ഞ രണ്ട് ദിവസമായി തന്റെ ക്ലോസ് സെല്‍ഫി ചിത്രങ്ങള്‍ പങ്കുവച്ചുകൊണ്ടിരിക്കുകയാണ് ഭാമ. അതിന് നല്‍കുന്ന ക്യാപ്ഷനുകള്‍ അല്പം വ്യത്യസ്തമാണ്.

'എന്റെ ഫാഷനില്‍ നിന്ന് ബ്രൗണ്‍് ഒരിക്കലും പുറത്തേക്ക് പോകില്ല' എന്ന് പറഞ്ഞാണ് ആദ്യത്തെ ചിത്രം പങ്കുവച്ചത്. ഒരു ബ്രൗണ്‍ കൂളിങ് ഗ്ലാസ് വച്ചു നില്‍ക്കുന്ന ചിത്രമായിരുന്നു അത്. ഇപ്പോഴിതാ തന്നെ വേദനിപ്പിക്കുന്നവരോട് തിരിച്ച് എങ്ങനെ പെരുമാറും എന്ന് പറഞ്ഞൊരു ചിത്രം പങ്കുവച്ചിരിയ്ക്കുന്നു. 'എന്നെ വേദനിപ്പിയ്ക്കൂ, തിരിച്ച് ഞാന്‍ പുഞ്ചിരിയ്ക്കും' എന്നാണ് അതിന് നല്‍കിയിരിക്കുന്ന ക്യാപ്ഷന്‍.

കുട്ടിത്തം മുഖത്ത് കാണിച്ചുകൊണ്ടുള്ളതാണ് മൂന്നാമത്തെ ചിത്രം. 'ഉള്ളിലെ കുട്ടിത്തം നഷ്ടപ്പെടുത്താതെ വളരുക എന്ന കല പഠിക്കുക' എന്ന് പറഞ്ഞാണ് ഈ ചിത്രം പോസ്റ്റ് ചെയ്തിരിയ്ക്കുന്നത്.

മൂന്ന് ചിത്രങ്ങള്‍ക്കും മികച്ച രീതിയിലുള്ള പ്രതികരണങ്ങളാണ് കിട്ടുന്നത്. ഭാമയുടെ സൗന്ദര്യത്തെ പ്രശംസിച്ചും, നടിയോടുള്ള ഇഷ്ടം അറിയിച്ചുകൊണ്ടുള്ള കമന്റുകള്‍ ചിത്രത്തിന് താഴെ വരുന്നു.